World Billionaires List: టెస్లా, స్పేస్ఎక్స్ వంటి పలు కంపెనీలను నడుపుతున్న అపరకుబేరుడు ఎలాన్ మస్క్ ప్రపంచంలోని అత్యంత ధనవంతుల జాబితాలో అగ్రస్థానంలో కొనసాగుతున్నారు. ఆయనకు ఎవరూ సాటిలేరు. ఫోర్బ్స్ 'రియల్-టైమ్ బిలియనీర్స్' జాబితా ప్రకారం.. ఎలాన్ మస్క్ నికర ఆస్తి విలువ 946.5 బిలియన్ డాలర్లు. ఈ ఏడాది ఆయన ప్రపంచంలోనే మొట్టమొదటి ట్రిలియనీర్ (లక్ష కోట్ల రూపాయల అధిపతి) కూడా అయ్యారు. ప్రపంచంలోనే నంబర్ వన్ బిలియనీర్గా అత్యంత సుదీర్ఘకాలం కొనసాగిన రికార్డు ఎవరి పేరిట ఉందో మీకు తెలుసా? భారత్ కు రష్యా ఎందుకంత ముఖ్యం..? అమెరికాను సైతం పక్కనబెట్టి చిరకాల మిత్రుడివైపే భారత్.. కారణాలు ఏంటి..? ఆ సమాధానం మైక్రోసాఫ్ట్ వ్యవస్థాపకుడు బిల్ గేట్స్. ఆయన 1995లో ఫోర్బ్స్ ప్రపంచ బిలియనీర్ల జాబితాలో తొలిసారిగా అగ్రస్థానానికి చేరుకున్నారు. అంతకు ముందు జపాన్కు చెందిన యోషియాకి సుత్సుమి 1987 నుంచి 1990 వరకు ఈ స్థానంలో ఉన్నారు. ఆ తర్వాత 1991, 1992లలో ఆయన దేశస్థుడైన తైకిచిరో మోరి ఆయనను అధిగమించారు. సుత్సుమి 1993లో తిరిగి అగ్రస్థానానికి చేరుకుని.. 1994లో కూడా నంబర్ వన్గా నిలిచారు. బిల్ గేట్స్ ఆధిపత్యం బిల్ గేట్స్ 1995 నుంచి 2007 వరకు ప్రపంచంలోనే అత్యంత ధనవంతుడిగా కొనసాగారు. 2008లో వారెన్ బఫెట్ ఆయనను అధిగమించారు. కానీ 2009లో బిల్ గేట్స్ తిరిగి అగ్రస్థానానికి చేరుకున్నారు. 2010లో మెక్సికన్ కార్లోస్ స్లిమ్, అతని కుటుంబం ఈ స్థానాన్ని చేపట్టి 2013 వరకు నిలుపుకున్నారు. 2014లో బిల్ గేట్స్ మళ్లీ తిరిగి వచ్చి 2017 వరకు ఆ స్థానంలోనే ఉన్నారు. 2018లో అమెజాన్ వ్యవస్థాపకుడు జెఫ్ బెజోస్ బిల్ గేట్స్ను అధిగమించి ప్రపంచంలోనే అత్యంత ధనవంతుడిగా నిలిచారు. ఆయన 2021 వరకు ప్రపంచంలోనే నంబర్ 1 ధనవంతుడిగా కొనసాగారు. 2022లో ఎలాన్ మస్క్ ఆయన స్థానాన్ని ఆక్రమించారు. అయితే మరుసటి సంవత్సరం, 2023లో ఫ్రెంచ్ వ్యాపారవేత్త బెర్నార్డ్ ఆర్నాల్ట్, అతని కుటుంబం ఆయనను అధిగమించారు. వారు 2024లో కూడా తమ ఆధిపత్యాన్ని కొనసాగించారు. గత రెండేళ్లుగా ఎలాన్ మస్క్ మొదటి స్థానంలోనే ఉన్నారు. PM Rozgar Yojana: కొలువుల పండుగ! ఒక్కరోజే 51 వేల మందికి సర్కారీ ఉద్యోగాలు.. ప్రస్తుత పరిస్థితి ఏమిటి? 18 ఏళ్ల పాటు ప్రపంచంలోనే అత్యంత ధనవంతుడిగా ఉన్న బిల్ గేట్స్.. నేడు 114.3 బిలియన్ డాలర్ల నికర సంపదతో ప్రపంచ ధనవంతుల జాబితాలో 18వ స్థానానికి పడిపోయారు. 373.1 బిలియన్ డాలర్లతో జెఫ్ బెజోస్ రెండో స్థానంలో, 144.6 బిలియన్ డాలర్లతో వారెన్ బఫెట్ 10వ స్థానంలో, 125.2 బిలియన్లతో అర్నాల్ట్, కుటుంబం 14వ స్థానంలో, 119.1 బిలియన్ డాలర్లతో కార్లోస్ స్లిమ్ 15వ స్థానంలో ఉన్నారు
