కరీబియన్ ప్రీమియర్ లీగ్ (CPL) 2026లో 19 ఏళ్ల యువ స్పిన్నర్ వయిటెల్ లాస్ సంచలనం సృష్టించాడు. జమైకా కింగ్స్మెన్ తరఫున ఆడుతున్న ఈ యువ బౌలర్.. ట్రిన్బాగో నైట్ రైడర్స్తో జరిగిన మ్యాచ్లో ఒకే ఓవర్లో మూడు వికెట్లు పడగొట్టాడు. అంతేకాదు.. ఆ ఓవర్లో ఒక్క పరుగు కూడా ఇవ్వలేదు. అంటే ట్రిపుల్ వికెట్ మెయిడెన్ సాధించాడు. ఈ అద్భుత ప్రదర్శనతో తన టీ20 కెరీర్లోనే అత్యుత్తమ బౌలింగ్ గణాంకాలను నమోదు చేశాడు. ట్రిన్బాగో నైట్ రైడర్స్ ఇన్నింగ్స్ 14వ ఓవర్ వేయడానికి వయిటెల్ లాస్ వచ్చాడు. అప్పటికి ఆ జట్టు 101 పరుగుల ఓపెనింగ్ భాగస్వామ్యంతో మంచి స్థితిలో ఉంది. కానీ లాస్ వేసిన ఒక్క ఓవర్ మ్యాచ్ గమనాన్నే మార్చేసింది. ఓవర్ తొలి బంతికే కాలిన్ మున్రో క్యాచ్ ఇచ్చి పెవిలియన్కు చేరాడు. వెంటనే క్రీజులోకి వచ్చిన కీరన్ పొలార్డ్ను రెండో బంతికే లాస్ బోల్తా కొట్టించాడు. హ్యాట్రిక్ అవకాశం మూడో బంతితో వచ్చింది. అయితే ఆ బంతికి వికెట్ దక్కలేదు. అయినా లాస్ ఒక్క పరుగు కూడా ఇవ్వలేదు. నాలుగో, ఐదో బంతులు కూడా డాట్ బాల్స్గా మారాయి. ఓవర్ చివరి బంతికి మాథ్యూ ట్రాంప్ క్యాచ్ ఇచ్చి ఔటయ్యాడు. దీంతో ఒకే ఓవర్లో మూడు వికెట్లు.. ఒక్క పరుగు కూడా ఇవ్వకుండా మెయిడెన్! ఈ ఓవర్లో లాస్ పడగొట్టిన వికెట్లలో ఇద్దరు అనుభవజ్ఞులైన బ్యాటర్ల వికెట్లు ఉండటం మరింత ప్రత్యేకం. కాలిన్ మున్రో అప్పటికే హాఫ్ సెంచరీ పూర్తి చేశాడు. మరోవైపు పొలార్డ్ చివరి ఓవర్లలో భారీ షాట్లు ఆడగల సమర్థుడు. ఈ ఇద్దరినీ వరుస బంతుల్లో ఔట్ చేయడం జమైకా జట్టుకు భారీ ఊరటనిచ్చింది. వయిటెల్ లాస్ ఈ మ్యాచ్లో మొత్తం నాలుగు ఓవర్లు వేసి 29 పరుగులిచ్చి మూడు వికెట్లు తీసుకున్నాడు. ఇదే అతడి టీ20 కెరీర్లో అత్యుత్తమ బౌలింగ్ ప్రదర్శన. ఇంతకుముందు టీ20ల్లో అతడి బెస్ట్ బౌలింగ్ 18 పరుగులకు 2 వికెట్లు. ఇప్పుడు ఆ రికార్డును తానే మెరుగుపరుచుకున్నాడు. వయిటెల్ లాస్ వయసు కేవలం 19 సంవత్సరాలు. ఈ ఏడాదే వెస్టిండీస్ సీనియర్ జట్టులో అరంగేట్రం చేశాడు. అంతర్జాతీయ స్థాయిలో అడుగుపెట్టిన అతి పిన్న వయస్కులైన వెస్టిండీస్ ఆటగాళ్లలో ఒకడిగా నిలిచాడు. ఈ ఏడాది అండర్-19 ప్రపంచకప్లోనూ లాస్ తన సత్తా చాటాడు. టోర్నీలో 10 వికెట్లు తీసి ICC టోర్నమెంట్ జట్టులో చోటు సంపాదించాడు. అతడి నియంత్రిత బౌలింగ్, డాట్ బాల్స్ వేసే సామర్థ్యం అప్పుడే అందరి దృష్టిని ఆకర్షించింది. 2026 సీజన్ లాస్కు CPLలో తొలి సీజన్. జమైకా కింగ్స్మెన్ తరఫున ఆడుతున్న అతడు.. తాజా మ్యాచ్కు ముందు కూడా తన బౌలింగ్తో ఆకట్టుకుంటున్నాడు. ట్రిన్బాగో నైట్ రైడర్స్తో మ్యాచ్ ముగిసిన తర్వాత ఈ సీజన్లో అతడి వికెట్ల సంఖ్య 8కు చేరింది. లాస్ ఎడమచేతి రిస్ట్ స్పిన్నర్. చిన్న వయసులో CPL మ్యాచ్లు చూస్తూ స్పిన్ బౌలింగ్పై ఆసక్తి పెంచుకున్నాడు. ముఖ్యంగా జమైకా తరఫున ఆడిన ఆడమ్ జంపాను చూసి స్పిన్ బౌలింగ్ మొదలుపెట్టినట్లు లాస్ గతంలో వెల్లడించాడు. అతడి బౌలింగ్లో వైవిధ్యం, బంతిని గాల్లోనూ పిచ్పై నుంచీ మలుపు తిప్పే సామర్థ్యం ప్రత్యేక ఆకర్షణగా నిలుస్తోంది. ఈ సంచలన ఓవర్తో పాటు మ్యాచ్లో నికోలస్
