Shorts Viral Video: జపాన్ అంటేనే టెక్నాలజీ, క్రమశిక్షణ, వినూత్న ఆలోచనలకు పెట్టింది పేరు. అక్కడి రైళ్లు, రోబోలు, స్మార్ట్ సిటీల గురించి ఇప్పటికే ఎన్నో విషయాలు సోషల్ మీడియాలో వైరల్ అవుతుంటాయి. అయితే తాజాగా జపాన్లోని ఓ పబ్లిక్ టాయిలెట్ మాత్రం నెటిజన్లను విపరీతంగా ఆకట్టుకుంటోంది. సాధారణంగా పబ్లిక్ టాయిలెట్ అంటే పెద్దగా సౌకర్యాలు ఉండవని అనుకుంటాం. కానీ జపాన్లో మాత్రం టెక్నాలజీని ఉపయోగించి పబ్లిక్ టాయిలెట్లను కూడా ఎంత స్మార్ట్గా మార్చారో చూపించే వీడియో ఇప్పుడు సోషల్ మీడియాలో వైరల్ అవుతోంది. ముంబైకి చెందిన కంటెంట్ క్రియేటర్ సార్థక్ సచ్దేవా ఈ హైటెక్ టాయిలెట్కు సంబంధించిన వీడియోను ఇన్స్టాగ్రామ్లో షేర్ చేశారు. ఆయనకు రెండు మిలియన్లకు పైగా ఫాలోవర్లు ఉండటంతో ఈ వీడియోకు భారీగా స్పందన వస్తోంది. సార్థక్ సచ్దేవా తన వీడియోను “జపాన్ టాయిలెట్లు ఎంత ఫ్యూచరిస్టిక్గా ఉన్నాయో మీకు చూపిస్తాను” అంటూ ప్రారంభించారు. ఆ తర్వాత టాయిలెట్లోకి వెళ్లి అక్కడ ఉన్న స్మార్ట్ సదుపాయాలను చూపించారు. అందులో భాగంగా ఆయన కేవలం “Turn on the sink” అని చెప్పగానే ట్యాప్ నుంచి నీళ్లు రావడం ప్రారంభమైంది. సాధారణంగా మనం ట్యాప్ను చేతితో తిప్పి నీళ్లు ఆన్ చేస్తాం. కానీ ఇక్కడ వాయిస్ కమాండ్తోనే ట్యాప్ను ఆపరేట్ చేయడం కనిపించింది. దీంతో టాయిలెట్లో కూడా వాయిస్ టెక్నాలజీని ఉపయోగించడం చూసి సార్థక్ ఆశ్చర్యం వ్యక్తం చేశారు. వీడియో చూస్తున్న వారికి కూడా ఇది సాధారణ పబ్లిక్ టాయిలెట్ కాదనే భావన కలిగించేలా ఈ సదుపాయం ఉంది. బయట నుంచి చూస్తే టాయిలెటా.. ఫ్యూచర్ డోమ్లా ఉందా? ఆ తర్వాత సార్థక్ టాయిలెట్ బయటకు వచ్చి దాని నిర్మాణాన్ని కూడా చూపించారు. ఈ పబ్లిక్ బాత్రూమ్ సాధారణ భవనం లేదా చిన్న గది తరహాలో కాకుండా డోమ్ ఆకారంలో ఉండటం ప్రత్యేకంగా కనిపించింది. దాని డిజైన్, నిర్మాణం మొత్తం కలిపి చూస్తే ఏదో ఫ్యూచరిస్టిక్ సైన్స్ ఫిక్షన్ సినిమాలో కనిపించే ప్రదేశంలా అనిపిస్తుందని వీడియో చూసిన పలువురు నెటిజన్లు కామెంట్లు చేస్తున్నారు. పబ్లిక్ సదుపాయం అయినప్పటికీ దాని డిజైన్పై ప్రత్యేక శ్రద్ధ పెట్టినట్లు వీడియోలో కనిపిస్తోంది. అయితే బయట కనిపించే డిజైన్ కంటే లోపల ఉన్న టెక్నాలజీనే అందరినీ ఎక్కువగా ఆకట్టుకుంది. ఈ టాయిలెట్లో అందరినీ ఆశ్చర్యపరిచిన మరో సదుపాయం డోర్ యాక్సెస్. టాయిలెట్ను ఉపయోగించాలంటే ముందుగా QR కోడ్ను స్కాన్ చేయాల్సి ఉంటుంది. QR కోడ్ స్కాన్ చేసిన తర్వాత తలుపు ఆటోమేటిక్గా అన్లాక్ అవుతుంది. సాధారణంగా పబ్లిక్ టాయిలెట్లలో తలుపును చేతితో తెరవడం, మూసివేయడం చూస్తుంటాం. కానీ ఇక్కడ మాత్రం డిజిటల్ యాక్సెస్ విధానాన్ని ఉపయోగించారు. టాయిలెట్ లోపల గోడలపై కూడా వివిధ సదుపాయాలను ఎలా ఆపరేట్ చేయాలో వివరించే కమాండ్లు కనిపించాయి. అవి జపనీస్తో పాటు ఇంగ్లిష్లోనూ ఉండటం వల్ల స్థానికులతో పాటు విదేశీ పర్యాటకులు కూడా వాటిని సులభంగా అర్థం చేసుకునేలా ఏర్పాటు చేసినట్లు కనిపిస్తోంది. ఇక ఈ టాయిలెట్ గురించి సార్థక్ చెప్పిన మరో విషయం కూడా సోషల్ మీడియాలో చర్చకు దారితీసింది. టాయిలెట్ను ఉపయోగిస్తున్న సమయంలో మ్యూజిక్ ప్లే చేసుకునే సదుపాయం కూడా ఉందని ఆ
