Six Wickets Six Balls: క్రికెట్లో ఒక్క ఓవర్లో ఆరు పరుగులు, వరుసగా ఆరు సిక్సర్లు, హ్యాట్రిక్ వంటి రికార్డులు అభిమానులకు సుపరిచితమే. కానీ వరుసగా ఆరు బంతుల్లో ఆరు వికెట్లు పడటం మాత్రం అత్యంత అరుదైన విషయం. ఇంగ్లాండ్ టీ20 క్రికెట్లో నమోదైన ఓ ఘటన ఇప్పుడు క్రికెట్ వర్గాల్లో ఆసక్తిని రేకెత్తిస్తోంది. లంకాషైర్ బౌలర్లు ఈ అరుదైన ఘనతను నమోదు చేశారు. అయితే ఇందులో ఓ ఆసక్తికరమైన ట్విస్ట్ ఉంది. ఆరు వికెట్లు ఒకే మ్యాచ్లో లేదా ఒకే ఓవర్లో కాకుండా.. రెండు వేర్వేరు మ్యాచ్ల్లో, రెండు రోజుల వ్యవధిలో వచ్చాయి. ఇదే ఈ రికార్డును మరింత ప్రత్యేకంగా మార్చింది. జులై 4న నార్తాంప్టన్షైర్తో జరిగిన టీ20 మ్యాచ్లో లంకాషైర్ బౌలర్లు ప్రత్యర్థి బ్యాటర్లపై విరుచుకుపడ్డారు. ముఖ్యంగా మహమూద్ తన బౌలింగ్తో సత్తా చాటాడు. వరుసగా నాలుగు వికెట్లు పడగొట్టి ప్రత్యర్థి బ్యాటింగ్ ఆర్డర్ను దెబ్బతీశాడు. ఆ నాలుగు వికెట్లలో హ్యాట్రిక్ కూడా ఉండటం విశేషం. దీంతో నార్తాంప్టన్షైర్ ఇన్నింగ్స్ ఒక్కసారిగా కుప్పకూలింది. అయితే అప్పటికి ఎవరూ ఊహించని మరో రికార్డుకు లంకాషైర్ బౌలర్లు చేరువయ్యారు. ఎక్కువమంది చదివినది: రాసిపెట్టుకోండి.. అలాంటోడు దొరకడం టీమిండియా అదృష్టం.. వదిలేశారో..! జులై 5న లంకాషైర్.. డెర్బీషైర్తో తలపడింది. ఈ మ్యాచ్లో మార్క్ వుడ్ బంతితో మెరిశాడు. ఇన్నింగ్స్ ఆరంభంలోనే వరుసగా రెండు వికెట్లు తీశాడు. అంతకుముందు మ్యాచ్లో మహమూద్ తీసిన చివరి నాలుగు వరుస వికెట్లకు, మరుసటి మ్యాచ్లో మార్క్ వుడ్ తీసిన రెండు వికెట్లను కలిపితే.. లంకాషైర్ బౌలర్లు వరుసగా ఆరు బంతులకు ఆరు వికెట్లు పడగొట్టినట్లయింది. సాధారణంగా ఆరు బంతుల్లో ఆరు వికెట్లు అంటే ఒకే బౌలర్ ఒకే ఓవర్లో వరుసగా ఆరు వికెట్లు తీసినట్లు అభిమానులు భావిస్తారు. కానీ లంకాషైర్ విషయంలో అలా జరగలేదు. రెండు వేర్వేరు మ్యాచ్ల్లో.. రెండు వేర్వేరు బౌలర్లు తీసిన వికెట్లు వరుస క్రమంలోకి రావడంతో ఈ అరుదైన ఘనత నమోదైంది. అందుకే ఇది క్రికెట్లో అసాధారణ సంఘటనగా నిలిచింది. డెర్బీషైర్తో జరిగిన మ్యాచ్లో లంకాషైర్ బౌలర్లు మాత్రమే కాదు.. బ్యాటర్లు కూడా తమ సత్తా చూపించారు. ఓపెనర్ ఫిల్ సాల్ట్ అద్భుతంగా బ్యాటింగ్ చేశాడు. కేవలం 57 బంతుల్లోనే 80 పరుగులతో అజేయంగా నిలిచాడు. అతడి ఇన్నింగ్స్లో 8 ఫోర్లు, 4 సిక్సర్లు ఉన్నాయి. AFG vs IND: ఏమన్నా కాంబినేషనా.. స్వ్కాడ్ చూస్తేనే సుస్సు పోసుకుంటారంతే.. ఆఫ్టాన్ను ఢీ కొట్టే భారత జట్టు ఇదే..? మరోవైపు జోస్ బట్లర్ కూడా కీలక ఇన్నింగ్స్ ఆడాడు. 42 బంతుల్లో 54 పరుగులు సాధించి జట్టు విజయానికి బాటలు వేశాడు. చివరికి లంకాషైర్ ఐదు వికెట్ల తేడాతో డెర్బీషైర్ను ఓడించింది. ఒకే ఓవర్లో వరుసగా ఆరు వికెట్లు పడటం క్రికెట్లో అత్యంత అరుదైన ఘనతల్లో ఒకటి. అయితే లంకాషైర్ నమోదు చేసిన ఘనత దానికి భిన్నమైనది. రెండు మ్యాచ్ల్లో జరిగిన వికెట్ల పరంపర ఆరు బంతులకు ఆరు వికెట్లుగా కలిసింది. మరిన్ని క్రీడా వార్తల కోసం ఇక్కడ క్లిక్ చేయండి
