నేచురల్ స్టార్ నాని, ‘దసరా’ ఫేమ్ శ్రీకాంత్ ఓదెల కాంబినేషన్లో తెరకెక్కిన మోస్ట్ అవైటెడ్ మూవీ ‘ది ప్యారడైజ్’పై రోజురోజుకూ అంచనాలు పెరుగుతున్నాయి. ఇప్పటికే విడుదలైన గ్లింప్స్, టీజర్, సాంగ్స్తో సినిమాపై హైప్ నెక్స్ట్ లెవల్కు చేరగా.. ఇప్పుడు మేకర్స్ వరుస ప్రమోషనల్ కంటెంట్తో ఆడియన్స్లో మరింత క్యూరియాసిటీ క్రియేట్ చేస్తున్నారు. సెప్టెంబర్ 24న ఈ సినిమా థియేటర్లలోకి రానుంది. ముఖ్యంగా సినిమా కథకు సంబంధించిన చిన్న చిన్న క్లూస్ను మాత్రమే టీమ్ రివీల్ చేస్తుండటంతో ‘ది ప్యారడైజ్లో అసలు కథేంటి?’ అనే ఆసక్తి మరింత పెరుగుతోంది. ఇటీవల ప్రమోషన్స్లో నాని చేసిన ఓ కామెంట్ అయితే ఇప్పుడు సోషల్ మీడియాలో ప్రత్యేకంగా వైరల్ అవుతోంది. సినిమాలో సోనాలి కులకర్ణి పోషిస్తున్న పాత్ర పేరు ‘సమ్మక్క’. అసలు ఎవరీ సమ్మక్క..? అనే విషయాలు తెలుసుకుందాం.. ఈ పాత్ర గురించి యాంకర్ ప్రదీప్ ప్రశ్నించగా.. నాని ఆసక్తికరంగా స్పందిస్తూ, ‘ది ప్యారడైజ్’కు మరో టైటిల్ పెట్టాలంటే ‘సమ్మక్క’ అని పెట్టొచ్చు.. ఇది ఆమె సినిమా అంటూ చెప్పడం హాట్ టాపిక్గా మారింది. దీంతో అసలు సమ్మక్క ఎవరు? కథలో ఆమె పాత్ర ఎంత కీలకం? అనే ప్రశ్నలు ప్రేక్షకుల్లో మొదలయ్యాయి. ఇప్పటివరకు బయటకు వచ్చిన సమాచారం ప్రకారం ‘ది ప్యారడైజ్’ కేవలం హై వోల్టేజ్ యాక్షన్ మూవీ మాత్రమే కాదు.. తల్లి–కొడుకు ఎమోషనల్ బాండింగ్ చుట్టూ నడిచే కథ. దర్శకుడు శ్రీకాంత్ ఓదెల కూడా సినిమా అసలు ఎమోషనల్ కోర్ తల్లి, కొడుకు బంధమేనని వెల్లడించారు. తల్లి కోసం, తన భూమి కోసం పోరాడే రెబల్గా నాని కనిపించనున్నట్లు ఆయన తెలిపారు. ఒక సమాజం తమ ఉనికిని కాపాడుకోవడానికి చేసే పోరాటం కూడా కథలో కీలకంగా ఉంటుందని చెప్పారు. అంతేకాదు.. శ్రీకాంత్ ఓదెల చిన్ననాటి అనుభవాలు, ఆయన చూసిన కొన్ని వాస్తవ సంఘటనల నుంచి ఈ కథకు స్ఫూర్తి లభించినట్లు తెలుస్తోంది. దీంతో రస్టిక్ వరల్డ్, రా ఎమోషన్స్, పవర్ఫుల్ యాక్షన్, మాస్ ఎలివేషన్స్ కలిసిన కథను ఈసారి ప్రేక్షకుల ముందుకు తీసుకురాబోతున్నారనే ఆసక్తి నెలకొంది. నాని–శ్రీకాంత్ ఓదెల కాంబినేషన్లో ఇంతకుముందు వచ్చిన ‘దసరా’ మంచి విజయాన్ని అందుకుంది. అయితే ఆ సినిమా సక్సెస్ తర్వాత కూడా శ్రీకాంత్ ఓదెల సంతృప్తిగా లేరని నాని ఇటీవల వెల్లడించారు. తాను అనుకున్న ఇంటెన్సిటీని పూర్తిగా తెరపైకి తీసుకురాలేకపోయానని దర్శకుడు తనతో చెప్పినట్లు నాని తెలిపారు. ఈసారి మాత్రం మరింత మ్యాడ్నెస్, ఇంటెన్సిటీ, థియేట్రికల్ ఇంపాక్ట్ ఉండేలా కథను సిద్ధం చేశాడని నాని చెప్పడం సినిమాపై అంచనాలను మరింత పెంచింది. సాధారణంగా పెద్ద సినిమా రిలీజ్కు ముందు ట్రైలర్తో భారీగా హైప్ క్రియేట్ చేస్తారు. కానీ ‘ది ప్యారడైజ్’ విషయంలో మేకర్స్ మాత్రం డిఫరెంట్ రూట్ తీసుకున్నారు. రిలీజ్కు సమయం తక్కువగా ఉండటంతో ట్రైలర్ను కట్ చేయలేకపోయామని నాని స్వయంగా చెప్పారు. అయినప్పటికీ ఇప్పటివరకు వచ్చిన ప్రతి కంటెంట్కు ఆడియన్స్ నుంచి మంచి రెస్పాన్స్ రావడం తమ బాధ్యతను మరింత పెంచిందని ఆయన అన్నారు. ప్రేక్షకులను సినిమా మొదటి నుంచి చివరి వరకు అడ్రినలిన్ పంపింగ్ అనుభూతితో థియేటర్ నుంచి బయటకు పంపాలన్నదే తమ టార్గెట్ అని నాని పేర్కొన్నారు. మరో
