Kurnool: ప్రభుత్వ ఆసుపత్రిలో కాంట్రాక్ట్ విధానంలో పనిచేస్తున్న సిబ్బంది తమ సమస్యల పరిష్కారం కోసం చేపట్టిన నిరసన నేపథ్యంలో ఆసుపత్రి సూపరింటెండెంట్ డాక్టర్ కే. వెంకటేశ్వర్లు వారిని పిలిపించి మాట్లాడారు. ఈ సందర్భంగా కాంట్రాక్ట్ సిబ్బంది ఎదుర్కొంటున్న సమస్యలను సూపరింటెండెంట్ అడిగి తెలుసుకున్నారు. సిబ్బంది వివరించిన సమస్యలను సంబంధిత పైఅధికారుల దృష్టికి తీసుకెళ్లి, పరిష్కారానికి కృషి చేస్తామని అన్నారు. అలాగే ప్రభుత్వ ఆసుపత్రికి వచ్చే రోగులకు ఎటువంటి ఇబ్బందులు కలగకుండా, ఆసుపత్రి వైద్య సేవల్లో ఎలాంటి అంతరాయం ఏర్పడకుండా ప్రతి ఒక్కరూ బాధ్యతగా విధులకు హాజరై తమ విధులను నిర్వర్తించాలని సూపరింటెండెంట్ డాక్టర్ కే. వెంకటేశ్వర్లు సూచించారు
