Shorts Orient EcoTech : భారతదేశంలో చిన్న నగరాలు, పెద్ద నగరాలు అనే తేడా లేకుండా ప్రతిఒక్కరూ తరచూ విద్యుత్ అంతరాయాల సమస్యను ఎదుర్కొంటూనే ఉంటారు. అయితే అన్ని ఇళ్లలోనూ ఇన్వర్టర్ సదుపాయం ఉండదు. దీనివల్ల వేసవి కాలంలో కరెంట్ పోయినప్పుడు తీవ్రమైన ఉక్కపోత, చెమటలతో తీవ్రంగా ఇబ్బంది పడాల్సి వస్తుంది. కరెంట్ లేనప్పుడు అత్యవసర వెలుగు కోసం బ్యాటరీ బల్బులు ఎప్పటి నుంచో మార్కెట్లో అందుబాటులో ఉన్నాయి. అయితే ఇప్పుడు సరికొత్త పరిజ్ఞానంతో అంతర్నిర్మిత (బిల్ట్-ఇన్) బ్యాటరీ బ్యాకప్తో పనిచేసే సీలింగ్ ఫ్యాన్లు కూడా విపణిలోకి వచ్చేశాయి. ఇవి ప్రత్యేకంగా ఇన్వర్టర్ కనెక్షన్ లేకపోయినా కరెంట్ పోయిన సమయంలో కూడా నిరంతరాయంగా తిరుగుతూ ఉపశమనాన్ని అందిస్తాయి. ఓరియంట్ ఎకోటెక్ వోల్ట్ BLDC సీలింగ్ ఫ్యాన్ మోడల్ వివరాలు మార్కెట్లో బ్యాటరీ బ్యాకప్తో వచ్చే ఫ్యాన్లలో ఎక్కువ భాగం టేబుల్ ఫ్యాన్లే అయినప్పటికీ, సీలింగ్ ఫ్యాన్ విభాగంలో ఓరియంట్ బ్రాండ్ ఒక చక్కని మోడల్ను ప్రవేశపెట్టింది. రిమోట్ నియంత్రణతో పనిచేసే 'ఎకోటెక్ వోల్ట్ BLDC సీలింగ్ ఫ్యాన్' ఇందుకు ఒక మంచి ఉదాహరణగా నిలుస్తుంది. కంపెనీ అధికారిక సమాచారం ప్రకారం 1200mm సైజు , వైట్ కలర్లో లభించే ఈ ఫ్యాన్ ప్రస్తుత ధర రూ. 4,684 గా ఉంది. వినియోగదారులు తమ అవసరాలకు అనుగుణంగా మార్కెట్లో ఉన్న ఇతర బ్రాండ్ల మోడళ్లను కూడా పరిశీలించవచ్చు. ఈకోటెక్ వోల్ట్ ఫ్యాన్ అతిపెద్ద ప్రత్యేకత దీని అంతర్నిర్మిత బ్యాటరీ వ్యవస్థ. దీనికోసం ప్రత్యేకంగా ఎలాంటి ఎక్స్టర్నల్ ఇన్వర్టర్ అవసరం లేదు. విద్యుత్ సరఫరా నిలిచిపోయిన సమయాల్లో కూడా ఇది వరుసగా 10 గంటల వరకు బ్యాకప్ను అందిస్తూ, చల్లని గాలిని అందిస్తుందని కంపెనీ పేర్కొంది. ఈ సీలింగ్ ఫ్యాన్ అధునాతన బ్రష్లెస్ డైరెక్ట్ కరెంట్ (BLDC) సాంకేతికతతో పనిచేస్తుంది. ఇది సాధారణ ఇండక్షన్ మోటార్లతో పోలిస్తే ఏకంగా 50% తక్కువ విద్యుత్ను మాత్రమే వినియోగిస్తుంది. దీనివల్ల ఏటా విద్యుత్ బిల్లులపై రూ. 7,000 వరకు ఆదా చేసుకునే వెసులుబాటు ఉంటుంది. ఈ ఫ్యాన్ను ఆపరేట్ చేయడానికి గోడకు అమర్చే రెగ్యులేటర్ అవసరం లేదు. దీనితో ఇచ్చే ఆర్ఎఫ్ రిమోట్ ద్వారా గదిలో ఎక్కడి నుంచైనా ఫ్యాన్ను ఆన్/ఆఫ్ చేసుకోవచ్చు. అలాగే స్పీడ్ సర్దుబాటు చేయడం, వేగవంతమైన గాలి కోసం బూస్ట్ మోడ్ ఎనేబుల్ చేయడం , 2, 4, 6, లేదా 8 గంటల సమయానికి అనుగుణంగా టైమర్ సెట్ చేసుకోవడం వంటి సౌకర్యాలు ఇందులో ఉన్నాయి. సామర్థ్యం విషయానికొస్తే, ఈ ఫ్యాన్ నిమిషానికి 350 ఆర్పిఎమ్ (RPM) హై-స్పీడ్ మోటార్తో పనిచేస్తుంది. ఇది 230 CMM స్థాయి గాలి సరఫరాను అందిస్తుంది. దీనివల్ల గది మూలమూలన బలమైన గాలి విస్తరించి, వేసవి ఉక్కపోత నుంచి తక్షణ ఉపశమనం లభిస్తుంది. అక్షరంతో మొదలైన ప్రయాణం.. అంకెల్లో చెప్పాలంటే పదేళ్ల అనుభవం..! 2015లో కెరీర్ స్టార్ట్ చేసి, ప్రింట్ మీడియా నుంచి డిజిటల్ విప్లవం వరకు అన్నిటినీ దగ్గరగా చూశాను. అంతర్జాతీయ పరిణామాల నుంచి దేశ రాజధాని రాజకీయాల వరకు, గల్లీ స్థాయి వార్తల నుంచి ఢిల్లీ స్థాయి విశ్లేషణల వరకు ప్రతి అంశాన్ని లోతుగా అధ్యయనం చేస్తూ కథనాలు అందించాను. టెక్నాలజీ స్పీడ్, బిజినెస్ లెక్కలైనా, ఆ
