భారత యువ క్రికెటర్ వైభవ్ సూర్యవంశీ మరో అరుదైన ఘనత సాధించాడు. తన చిన్న వయసులోనే దేశవాళీ క్రికెట్లో సంచలనాలు సృష్టిస్తున్న ఈ యువ ఆటగాడు.. దులీప్ ట్రోఫీ చరిత్రలో సరికొత్త రికార్డు నెలకొల్పాడు. కేవలం 15 ఏళ్ల 157 రోజుల వయసులోనే ఈ ప్రతిష్ఠాత్మక టోర్నీలో అర్ధశతకం సాధించిన అత్యంత పిన్న వయస్కుడిగా రికార్డు పుస్తకాల్లోకి ఎక్కాడు. 42 బంతుల్లో 3 సిక్స్లు, 5 ఫోర్లతో చెలరేగిన వైభవ్.. ప్రత్యర్థి బౌలర్లపై పూర్తి ఆధిపత్యం చూపిస్తున్నాడు. వైభవ్ తన బ్యాటింగ్ శైలికి తగ్గట్టుగానే ఈ రికార్డును కూడా స్టైలిష్గా అందుకున్నాడు. అర్ధశతకానికి చేరువైన సమయంలో భారీ సిక్సర్ బాది హాఫ్ సెంచరీ పూర్తి చేశాడు. దీంతో అతడి పేరిట దులీప్ ట్రోఫీ చరిత్రలో ప్రత్యేక అధ్యాయం నమోదైంది. వైభవ్ సూర్యవంశీ పేరు గత కొంతకాలంగా భారత క్రికెట్లో మార్మోగుతోంది. చిన్న వయసులోనే టీ20 క్రికెట్లో మెరుపు బ్యాటింగ్తో అందరి దృష్టిని ఆకర్షించిన అతడు.. ఇప్పుడు సుదీర్ఘ ఫార్మాట్లోనూ తన సత్తా చాటుతున్నాడు. కేవలం 15 ఏళ్ల వయసులో దులీప్ ట్రోఫీ వంటి ప్రతిష్ఠాత్మక దేశవాళీ టోర్నీలో అర్ధశతకం సాధించడం అతడి ప్రతిభకు నిదర్శనంగా నిలిచింది. ముఖ్యంగా సిక్సర్తో హాఫ్ సెంచరీ పూర్తి చేయడం అభిమానులను ఆకట్టుకుంది. వైభవ్ సూర్యవంశీ ఇప్పటికే తన వయసుకు మించిన ప్రదర్శనలతో వార్తల్లో నిలుస్తున్నాడు. తాజాగా దులీప్ ట్రోఫీలో అత్యంత పిన్న వయసులో అర్ధశతకం చేసిన ఆటగాడిగా నిలిచి మరో మైలురాయిని అందుకున్నాడు. ఇదే దూకుడును కొనసాగిస్తే భారత క్రికెట్లో వైభవ్ సూర్యవంశీ భవిష్యత్ తారగా ఎదగడం ఖాయమనే అంచనాలు వ్యక్తమవుతున్నాయి. – 15 సంవత్సరాల 157 రోజులు- వైభవ్ సూర్యవంశీ (2026, ఈ మ్యాచ్) – 16 సంవత్సరాల 23 రోజులు- లక్ష్మణ్ సింగ్ (1969) – 16 సంవత్సరాల 307 రోజులు- పీయూష్ చావ్లా (2005). మరిన్ని క్రీడా వార్తల కోసం ఇక్కడ క్లిక్ చేయండి
