Dil Raju | టాలీవుడ్ ప్రముఖ నిర్మాణ సంస్థలైన ఫస్ట్ కాపీ మూవీస్ మరియు కేడి & కో బ్యానర్పై పంచుమర్తి నరేష్ బాబు నిర్మాతగా వ్యవహరిస్తున్న తాజా చిత్రం ‘మిస్సింగ్ మేఘన’. వాచస్పతి దర్శకత్వంలో రూపొందుతున్న ఈ సస్పెన్స్ ఎమోషనల్ థ్రిల్లర్ చిత్రానికి సంబంధించి మేకర్స్ ప్రమోషన్ కార్యక్రమాలను జోరుగా నిర్వహిస్తున్నారు. తాజాగా ఈ సినిమాలోని రెండో లిరికల్ సాంగ్ను తెలుగు చలనచిత్ర పరిశ్రమ ప్రముఖ అగ్ర నిర్మాత దిల్ రాజు ఘనంగా విడుదల చేశారు. పాటను వీక్షించిన ఆయన, లిరిక్స్ మరియు సంగీతం చాలా అద్భుతంగా ఉన్నాయని ప్రశంసించారు. పాట మాదిరిగానే సినిమా కూడా ఘన విజయం సాధించాలని దిల్ రాజు చిత్ర యూనిట్కు తన అభినందనలు తెలిపారు. రామ్ కార్తీక్ హీరోగా నటిస్తున్న ఈ చిత్రంలో అమ్ము అభిరామి, వైదిక సెంజాలియా, అంకిత్ కొయ్య తదితరులు ప్రధాన పాత్రలు పోషిస్తున్నారు. వీరితో పాటు గోపరాజు రమణ, వెంప కాశి, కౌశిక్, మహిపాల్, రుచిత, నళిని, శ్రీనివాస్, అజీమ్, పండు తదితరులు ఇతర ముఖ్యమైన పాత్రల్లో అలరించనున్నారు. ఈ సినిమాకు సంబంధించిన ప్రతి ప్రచార కార్యక్రమం టాలీవుడ్లో ప్రత్యేక ఆకర్షణగా నిలుస్తోంది. ఇప్పటికే ఈ మూవీ ఫస్ట్ లుక్ మరియు టైటిల్ రివీలింగ్ పోస్టర్ను సెన్సేషనల్ డైరెక్టర్ వి.వి. వినాయక్ లాంచ్ చేయగా, మొదటి సింగిల్ ‘పిల్ల పిల్ల పిల్ల’ను లెజెండరీ ప్రొడ్యూసర్ సురేష్ బాబు విడుదల చేశారు. ఇప్పుడు రెండో పాటను దిల్ రాజు లాంచ్ చేయడం ద్వారా సినిమాపై ప్రేక్షకుల్లో భారీ అంచనాలు నెలకొన్నాయి. ఈ సందర్భంగా దర్శకుడు వాచస్పతి మాట్లాడుతూ, ఎంతోమంది కొత్త నూతన నటీనటులకు అవకాశాలు ఇవ్వడంతో పాటు పరిశ్రమకు పెద్ద డైరెక్టర్లను పరిచయం చేసిన అగ్ర నిర్మాత దిల్ రాజు చేతుల మీదుగా తమ సినిమా రెండో పాట విడుదల కావడం చాలా ఆనందంగా ఉందని పేర్కొన్నారు. ఇప్పటివరకు విడుదలైన టీజర్ మరియు పాటలకు డిజిటల్ ప్లాట్ఫారమ్ల నుంచి ఆడియన్స్ నుంచి అద్భుతమైన స్పందన వస్తోందని తెలిపారు. ఈ చిత్రం కేవలం ఒక ఎమోషనల్ థ్రిల్లర్ మాత్రమే కాకుండా, చక్కటి క్యూట్ లవ్ స్టోరీ మరియు కుటుంబ ప్రేక్షకులను ఆకట్టుకునే చక్కని కుటుంబ భావోద్వేగాలు ఇందులో ఎక్కడా మిస్ కాకుండా తెరకెక్కించామని స్పష్టం చేశారు. సంగీత దర్శకుడు ఆర్.ఆర్. ధృవన్ మాట్లాడుతూ, తాను సంగీతం అందించిన ఈ పాటను దిల్ రాజు లాంచ్ చేయడం తన కెరీర్లోనే ఒక ప్రత్యేకమైన మైలురాయి అని అన్నారు. దిల్ రాజు గారికి మ్యూజిక్ మీద అపారమైన అభిరుచి ఉందని, అందుకే ఆయన చేతుల మీదుగా విడుదలయ్యే పాటలు చార్ట్బస్టర్స్గా మారుతుంటాయని కొనియాడారు. అలాంటి సంగీత రుచి ఉన్న వ్యక్తి తమ పాటను మెచ్చుకోవడం తమ మొత్తం టీమ్కు ఎంతో ఉత్సాహాన్ని ఇచ్చిందని ఆనందం వ్యక్తం చేశారు. హీరో రామ్ కార్తీక్ మాట్లాడుతూ, తెలుగు చిత్ర పరిశ్రమలో ఎంతోమందికి లైఫ్ ఇచ్చిన దిల్ రాజు గారి చేతుల మీదుగా తన సినిమాలోని పాట లాంచ్ అవ్వడం ఎంతో సంతోషాన్నిచ్చిందని తెలిపారు. పాట చాలా బాగుందని, సినిమా కూడా పెద్ద హిట్ కావాలని ఆయన మనస్పూర్తిగా ఆశీర్వదించారని చెప్పారు. పెద్దల ఆశీర్వాదంతో ప్రేక్షకుల ముందుకు వస్తున్న ఈ చిత్రం అందరినీ కచ్చితంగా అలరిస్తుందని ధీమా వ్యక్తం చేశారు. ఈ చిత్రానికి కథ,
