ఉక్రెయిన్తో యుద్ధం కొనసాగుతున్న వేళ రష్యాలో పార్లమెంటరీ ఎన్నికలు ప్రారంభమయ్యాయి. శుక్రవారం(సెప్టెంబర్ 18) నుంచి మూడు రోజుల పాటు ఈ ఎన్నికలు జరగనున్నాయి. ఈ ఎన్నికల్లో రష్యా దిగువ సభ అయిన స్టేట్ డూమాలోని మొత్తం 450 స్థానాలకు ఓటింగ్ జరుగుతోంది. దీంతో పాటు 11 ప్రాంతాల్లో గవర్నర్లను, 39 ప్రాంతాల్లో ప్రాంతీయ చట్టసభ సభ్యులను కూడా ఓటర్లు ఎన్నుకోనున్నారు. ట్రంప్ వార్నింగ్.. అస్సలు తగ్గేదే లేదన్న భారత్! రష్యాలో సుమారు 11.1 కోట్ల మంది ఓటర్లు ఈ ఎన్నికల్లో తమ ఓటు హక్కును వినియోగించుకోనున్నారు. పలు ప్రాంతాల్లో ఎలక్ట్రానిక్ ఓటింగ్కు కూడా అవకాశం కల్పించారు. 2022లో రష్యా ఉక్రెయిన్పై పూర్తి స్థాయి దాడిని ప్రారంభించిన తర్వాత జరుగుతున్న తొలి పార్లమెంటరీ ఎన్నికలు ఇవే కావడం గమనార్హం. ఈ ఎన్నికల్లో క్రిమియా, అలాగే రష్యా తమలో విలీనం చేసుకున్నట్లు ప్రకటించిన ఉక్రెయిన్లోని 4 ప్రాంతాల్లోనూ ఓటింగ్ నిర్వహిస్తున్నారు. అయితే ఈ ప్రాంతాలపై రష్యా చేసుకున్న వాదనను ఉక్రెయిన్ తీవ్రంగా వ్యతిరేకిస్తోంది. అంతే కాకుండా రష్యా విలీన ప్రక్రియను ఇతర దేశాలు గుర్తించవద్దని కీవ్ కోరుతోంది. యునైటెడ్ రష్యాదే ఆధిపత్యం? రష్యా అధ్యక్షుడు వ్లాదిమిర్ పుతిన్కు ప్రధాన రాజకీయ మద్దతుదారుగా ఉన్న యునైటెడ్ రష్యా పార్టీ ఈ ఎన్నికల్లోనూ ఆధిపత్యం కొనసాగించే అవకాశం ఉందని విశ్లేషణలు చెబుతున్నాయి. 2021 ఎన్నికల తర్వాత స్టేట్ డూమాలో మూడింట రెండొంతుల కంటే ఎక్కువ స్థానాలు ఈ పార్టీ ఆధీనంలో ఉన్నాయి. యునైటెడ్ రష్యా పార్టీ అభ్యర్థుల జాబితాలో రష్యా విదేశాంగ మంత్రి సెర్గీ లావ్రోవ్, మాస్కో మేయర్ సెర్గో సోబ్యానిన్ వంటి ప్రముఖులు ఉన్నారు. యుద్ధ వార్తలను కవర్ చేసిన జర్నలిస్ట్ యెవ్జెనీ పొద్దుబ్నీ కూడా పార్టీ ప్రముఖ అభ్యర్థుల్లో ఒకరిగా ఉన్నారు. ఉక్రెయిన్ పై రష్యా చేపట్టిన యుద్ధానికి సంబంధించిన పుతిన్ లక్ష్యాలకు యునైటెడ్ రష్యా మద్దతు ఇస్తోంది. అయితే దేశంలో విస్తృత స్థాయిలో మరింత సైనిక సమీకరణ చేపట్టాలన్న కొన్ని పిలుపులను సోబ్యానిన్ వ్యతిరేకించారు. ఈ సమీకరణ వల్ల దేశ ఆర్థిక వ్యవస్థ దెబ్బతింటుందని ఆయన గతంలో పేర్కొన్నారు. కమ్యూనిస్టు పార్టీ కూడా బరిలో.. రష్యాలో మరో ప్రధాన రాజకీయ శక్తిగా ఉన్న కమ్యూనిస్టు పార్టీ కూడా ఎన్నికల్లో పోటీ చేస్తోంది. దీర్ఘకాలంగా పార్టీకి నాయకత్వం వహిస్తున్న గెన్నడీ జ్యుగనోవ్ నేతృత్వంలో పార్టీ బరిలో ఉంది. ప్రభుత్వంలోని కొన్ని విధానాలను కమ్యూనిస్టు పార్టీ విమర్శించినప్పటికీ.. అధ్యక్షుడు పుతిన్ ను నేరుగా సవాలు చేయడం మాత్రం చేయలేదు. ఉక్రెయిన్ యుద్ధానికి కూడా ఆ పార్టీ మద్దతు ప్రకటించింది. ఇటీవల జ్యుగనోవ్.. పుతిన్ ఆదేశాలకు తమ పార్టీ కట్టుబడి ఉంటుందని పేర్కొన్నారు. శుక్రవారం ప్రార్థనల వేళ.. పాకిస్తాన్ లో భారీ పేలుడు: పలువురి దుర్మరణం ఎల్డీపీఆర్ కూడా యుద్ధానికి మద్దతు రష్యాలోని జాతీయవాద లిబరల్ డెమోక్రటిక్ పార్టీ ఆఫ్ రష్యా(ఎల్డీపీఆర్) కూడా ఎన్నికల్లో పోటీ చేస్తోంది. ఆ పార్టీ వ్యవస్థాపకుడు వ్లాదిమిర్ జిరినోవ్స్కీ మరణం తర్వాత లియోనిడ్ స్లట్స్కీ నాయకత్వం వహిస్తున్నారు. ఎల్డీపీఆర్ కూడా ఉక్రెయిన్ పై రష్యా యుద్ధానికి బలమైన మద్దతు
