జర్మనీలో రాజకీయ సెగ Andhra Prabha Top News జర్మనీ రాజకీయాల్లో ఎన్నికల వేడి మరోసారి రాజుకుంది. ఇప్పటికే ఆర్థిక మందగమనం, ప్రజల్లో అసంతృప్తితో సతమతమవుతున్న ఛాన్సలర్ ఫ్రెడరిక్ మెర్జ్ ప్రభుత్వానికి ఆదివారం జరగనున్న రెండు రాష్ట్రాల ఎన్నికలు కీలక పరీక్షగా మారాయి. ఈ ఎన్నికల ఫలితాలు ఆయన నాయకత్వంపై మరింత ఒత్తిడి పెంచే అవకాశముంది. ఈ నెల 6న సాక్సోనీ-అన్హాల్ట్ రాష్ట్ర ఎన్నికల్లో మితవాద ఏఎఫ్డీ (ఆల్టర్నేటివ్ ఫర్ జర్మనీ) పార్టీ దాదాపు సంపూర్ణ మెజారిటీకి చేరువ కావడం ఐరోపా రాజకీయాల్లో ప్రకంపనలు సృష్టించింది. తాజాగా మెక్లెన్బర్గ్-వెస్టర్న్ పొమెరేనియా, రాజధాని బెర్లిన్లో జరుగుతున్న ఎన్నికలపై అందరి దృష్టి కేంద్రీకృతమైంది. సాధారణంగా జర్మనీలో రాష్ట్ర ఎన్నికలు అంతర్జాతీయంగా పెద్దగా చర్చకు రావు. కానీ, 2029లో జరగనున్న జాతీయ ఎన్నికల విజయానికి సాక్సోనీ-అన్హాల్ట్ ఫలితాన్ని తొలి మెట్టుగా ఏఎఫ్డీ భావిస్తుండటంతో తాజా ఎన్నికలకు ప్రాధాన్యం పెరిగింది. విదేశీయుల బహిష్కరణ విషయంలో కఠిన వైఖరి, రష్యాతో ఇంధన సంబంధాల పునరుద్ధరణ, యూరో కరెన్సీ నుంచి వైదొలగడం వంటి అజెండాతో ముందుకు సాగుతున్న ఈ పార్టీ.. కేవలం దశాబ్ద కాలంలోనే అంచుల నుంచి దేశంలో అత్యంత ప్రజాదరణ కలిగిన రాజకీయ శక్తిగా ఎదిగింది. ఆదివారం ఎన్నికల్లోనూ సాక్సోనీ-అన్హాల్ట్ తరహా విజయాన్ని ఏఎఫ్డీ పునరావృతం చేయకపోవచ్చని అభిప్రాయ సర్వేలు సూచిస్తున్నాయి. అయినప్పటికీ, ఇటీవలి కాలంలో ఆ పార్టీ సాధించిన పురోగతి ఈ ఎన్నికల్లోనూ స్పష్టమయ్యే అవకాశముంది. ఏఎఫ్డీతో పొత్తులకు దూరంగా ఉండాలన్న ప్రధాన పార్టీల ‘ఫైర్వాల్’ వ్యూహంపై మరోసారి చర్చకు తెరలేవనుంది. ఈ నెల సాక్సోనీ-అన్హాల్ట్ ఎన్నికల ఫలితం మెర్జ్కు వరుస ఎదురుదెబ్బల్లో మరోటిగా నిలిచింది. దీంతో ఆయన నాయకత్వాన్ని కొనసాగించాలా? అన్న సందేహాలు సొంత పార్టీ క్రిస్టియన్ డెమోక్రటిక్ యూనియన్ (సీడీయూ)లోనూ క్రమంగా పెరుగుతున్నాయి. అయితే, ప్రస్తుతానికి పార్టీ సీనియర్ నేతలు ఆయనకు మద్దతుగా నిలుస్తున్నారు. రాజ్యాంగపరమైన చిక్కులతో ఛాన్సలర్ను మార్చడం అంత సులభం కాదని, కొత్త నాయకుడు వచ్చినా దేశం ఎదుర్కొంటున్న ఆర్థిక సమస్యలు అలాగే ఉంటాయని జనం భావిస్తున్నారు. గతేడాది జర్మనీ ఆర్థిక వ్యవస్థను మళ్లీ వృద్ధి బాట పట్టిస్తానని, ప్రతిష్ఠాత్మక సంస్కరణలు అమలు చేస్తానని హామీ ఇచ్చి మెర్జ్ అధికారంలోకి వచ్చారు. అయితే, ఓటర్లలో విశ్వాసాన్ని చూరగొనడంలో ఆయన ఇబ్బందులు ఎదుర్కొంటున్నారు. పెన్షన్లు, పన్నులు, ఆరోగ్య సంరక్షణ రంగాల్లో ప్రతిపాదించిన ప్రజాదరణ లేని సంస్కరణలు, వరుస వ్యాఖ్యల వివాదాలు, సమాచార ప్రసారంలో జరిగిన పొరపాట్లు ప్రభుత్వంపై అసంతృప్తిని మరింత పెంచాయి. మెక్లెన్బర్గ్ – వెస్టర్న్ పొమెరేనియా, బెర్లిన్ ఎన్నికల ప్రచారాల్లోనూ ఈ అసంతృప్తి ప్రభావం కనిపిస్తోంది. పెరుగుతున్న ఇంధన ధరలు, గృహ అద్దెలు, నివాస వ్యయం ఓటర్ల ప్రధాన సమస్యలుగా మారాయి. ముఖ్యంగా కార్లపై రవాణా కోసం ఎక్కువగా ఆధారపడే మెక్లెన్బర్గ్-వెస్టర్న్ పొమెరేనియా ప్రజలకు ఇంధన ధరల పెరుగుదల భారంగా పరిణమించింది. దీంతో తన సోషల్ డెమోక్రటిక్ (ఎస్పీడీ) సంకీర్ణ భా
