ఉత్తర్ ప్రదేశ్ తో సహా ఇతర రాష్ట్రాల్లోని ఎన్నికలపై రాహుల్ గురి మనుస్మృతిని విమర్శిస్తూ సెమినార్ల నిర్వహణ 2029 ఎన్నికలపై ప్రభావం? దళితులు, మహిళలు, జనరేషన్-Z, ఓబీసీలే టార్గెట్ ఆంధ్రప్రభ, వెబ్ డెస్క్: దేశంలో 2027లో ఉత్తర్ ప్రదేశ్ రాష్ట్రంతో సహా ఇతర రాష్ట్రాల్లో జరిగే ఎన్నికలపై దేశంలో ఇప్పటి నుంచే పొలిటికల్ హీట్ మొదలైంది. టూ ఎం ఫ్యాక్టర్స్ అంటే రెండు ఎం అనే అక్షరాలు ఒకటి మహిళ, రెండోది మనుస్మృతి అనే రెండు అంశాలు ఈ ఎన్నికలపై ప్రభావం చూపే అవకాశం ఉన్నట్లు రాజకీయ విశ్లేషకులు భావిస్తున్నారు. ఇవే అంశాలను కాంగ్రెస్ పార్టీ ప్రధాన అస్త్రాలుగా మలుచుకొని బీజేపీపై దాడికి సిద్ధమవుతోంది. 2027 ఫిబ్రవరి, మార్చి మధ్యలో యూపీతో సహా పంజాబ్, ఉత్తరాఖండ్, గోవా, మణిపూర్ రాష్ట్రాల్లో ఎన్నికలు జరగనున్నాయి. ఆ తరువాత అదే సంవత్సరం ఏడాది చివర్లో హిమాచల్ ప్రదేశ్, గుజరాత్ రాష్ట్రాల్లోనూ ఎలక్షన్స్ నిర్వహించనున్నారు. ఈ ఎన్నికల ప్రభావం 2029లో దేశంలో జరిగే సార్వత్రిక ఎలక్షన్స్ పై పడే అవకాశం ఉండడంతో అన్ని రాజకీయ పార్టీలు 2027 ఎన్నికలపై గురిపెట్టాయి. కాంగ్రెస్ పార్టీ మరింత తీవ్రంగానే ప్రయత్నిస్తుంది. 2027లో ఉత్తరప్రదేశ్, పంజాబ్, ఉత్తరాఖండ్, గోవా, మణిపూర్ రాష్ట్రాల్లో అసెంబ్లీ ఎన్నికలు జరగాల్సి ఉంది. ఈ రాష్ట్రాల ప్రస్తుత అసెంబ్లీల పదవీకాలం 2027లో ముగియనుంది. అనంతరం హిమాచల్ప్రదేశ్, గుజరాత్ రాష్ట్రాల్లోనూ ఎన్నికలు జరగనున్నాయి. ఎన్నికల ఖచ్చితమైన తేదీలను మాత్రం కేంద్ర ఎన్నికల సంఘం ప్రకటించాల్సి ఉంటుంది. ఈ ఎన్నికలన్నింటిలోనూ కాంగ్రెస్కు రాజకీయంగా కీలకమైన సవాళ్లు ఎదురుకానున్నాయి. ఇప్పటికే వివిధ సామాజిక వర్గాలపై దృష్టి సారిస్తున్న కాంగ్రెస్.. 2027 నాటికి తన రాజకీయ విస్తరణను మరింత పెంచేందుకు ప్రయత్నించే అవకాశం ఉంది. 2027లో జరిగే ఎన్నికల్లో ఉత్తరప్రదేశ్ అత్యంత కీలక రాష్ట్రంగా నిలవనుంది. 403 అసెంబ్లీ స్థానాలున్న యూపీ దేశంలోనే అత్యధిక అసెంబ్లీ స్థానాలు కలిగిన రాష్ట్రం. అంతేకాకుండా 2024 లోక్సభ ఎన్నికల్లో యూపీ నుంచి 80 ఎంపీ స్థానాలు ఉన్నాయి. దీంతో యూపీలో రాజకీయంగా తన ప్రభావాన్ని పెంచుకోవడంపై కాంగ్రెస్ ప్రత్యేక దృష్టి పెట్టే అవకాశం ఉంది. మహిళలు, దళితులు, ఓబీసీలు, యువత, మైనారిటీలు వంటి వర్గాలను లక్ష్యంగా చేసుకుని సామాజిక అంశాలను ముందుకు తీసుకెళ్లడం ఇందులో భాగంగా కనిపిస్తోంది. 2027 అసెంబ్లీ ఎన్నికలు పూర్తయ్యే సమయానికి దేశ రాజకీయ వాతావరణం 2029 లోక్సభ ఎన్నికల వైపు మళ్లనుంది. ఈ నేపథ్యంలో 2027లో వచ్చే ఫలితాలు తదుపరి లోక్సభ ఎన్నికల రాజకీయ చర్చకు ఒక నేపథ్యాన్ని అందించే అవకాశం ఉంది. అయితే 2029 ఎన్నికల ఫలితాలపై ఇప్పుడే ఎలాంటి నిర్ధారణకు రావడం సాధ్యం కాదు. 2027లో యూపీతో పాటు ఇతర రాష్ట్రాల్లో సామాజిక వర్గాల సమీకరణ, మహిళలు-యువత అంశాలు, కులగణన, మనుస్మృతి వంటి అంశాల చుట్టూ రాజకీయ పోరు కొనసాగే అవకాశం ఉంది. ఈ నేపథ్యంలో కాంగ్రెస్ తన ప్రచార వ్యూహాన్ని మరింత విస్తరించేందుకు ప్రయత్నిస్తోంది
