చౌటుప్పల్, ఆంధ్రప్రభ : చౌటుప్పల్ మండలంలోని దండు మల్కాపురం గ్రామం వైన్స్ సమీపంలోని చెట్ల పొదల్లో ఒక గుర్తు తెలియని వ్యక్తి మృతదేహం లభ్యమైనట్లు చౌటుప్పల్ ఇన్స్పెక్టర్ ఆఫ్ పోలీస్ జీ. మన్మధ కుమార్ తెలిపారు. ఆదివారం మధ్యాహ్నం సుమారు 12 గంటల సమయంలో స్థానికులు ఇచ్చిన సమాచారం మేరకు పెట్రోల్ మొబైల్-2 సిబ్బంది (హెచ్సీ-1226 సైదయ్య, హెచ్జీ-720) సంఘటనా స్థలానికి చేరుకుని మృతదేహాన్ని పరిశీలించారు.పోలీసుల ప్రాథమిక విచారణలో మృతుడి వివరాలు లభించాయి. మృతుడు గుంటూరు జిల్లా, తోట్లవల్లూరు మండలం, కొమ్మునూరు గ్రామానికి చెందిన వేల్డర్ పనిచేసే అన్నావరపు నాగరాజు (35) గా పోలీసులు గుర్తించారు. మృతికి గల కారణాలపై కేసులు నమోదు చేసుకుని పోలీసులు దర్యాప్తు చేపడుతున్నారు. సంఘటనా స్థలాన్ని పరిశీలించి తదుపరి చట్టపరమైన చర్యలు తీసుకుంటున్నట్లు ఇన్స్పెక్టర్ తెలిపారు
