Shorts Hanumakonda: సెప్టెంబర్ 28, 29, 30 తేదీలలో హనుమకొండ జిల్లా కేంద్రంగా మూడు రోజులపాటు ప్రతిష్టాత్మకంగా నిర్వహించనున్న AISF 90వ వార్షికోత్సవ తెలంగాణ రాష్ట్ర మహాసభలను జయప్రదం చేయాలని AISF తెలంగాణ రాష్ట్ర యూనివర్సిటీల ఇంచార్జ్ రెహమాన్ పిలుపునిచ్చారు. ఆదివారం కాకతీయ యూనివర్సిటీ AISF కౌన్సిల్ ఆధ్వర్యంలో యూనివర్సిటీ ఫస్ట్ గేట్ ఎదుట AISF 90వ వార్షికోత్సవాల పోస్టర్ను ఆవిష్కరించారు. ఈ కార్యక్రమంలో రెహమాన్తో పాటు AISF హనుమకొండ జిల్లా కార్యదర్శి భాషబోయిన సంతోష్, యూనివర్సిటీ నాయకులు, విద్యార్థులు పాల్గొన్నారు. ఈ సందర్భంగా రెహమాన్ మాట్లాడుతూ, దేశ స్వాతంత్ర్యోద్యమ కాలంలో విద్యార్థులను, యువతను ఏకం చేసి బ్రిటిష్ వలస పాలనకు వ్యతిరేకంగా పోరాడిన చారిత్రక నేపథ్యం AISFకు ఉందన్నారు. విద్య అనేది కొద్దిమందికి మాత్రమే పరిమితమయ్యే వస్తువు కాదని, ప్రతి విద్యార్థికి సమానంగా నాణ్యమైన, శాస్త్రీయ విద్య అందుబాటులో ఉండాలన్న లక్ష్యంతో AISF నిరంతరం ఉద్యమాలు నిర్వహిస్తోందన్నారు. ప్రాథమిక విద్య నుంచి ఉన్నత విద్య వరకు ప్రభుత్వ విద్యా వ్యవస్థను బలోపేతం చేయాల్సిన బాధ్యత ప్రభుత్వాలపై ఉందన్నారు. విద్యా ప్రైవేటీకరణ, కార్పొరేటీకరణ వల్ల పేద, మధ్యతరగతి విద్యార్థులపై ఆర్థిక భారం పెరుగుతోందని, ప్రభుత్వ విద్యా సంస్థలను బలోపేతం చేయడం ద్వారానే సామాన్య కుటుంబాల విద్యార్థులకు ఉన్నత విద్య అందుబాటులో ఉంటుందని పేర్కొన్నారు. తెలంగాణ రాష్ట్రం ఏర్పడి సంవత్సరాలు గడుస్తున్నప్పటికీ ప్రభుత్వ యూనివర్సిటీలకు అవసరమైన స్థాయిలో మౌలిక వసతులు, సిబ్బంది, అభివృద్ధి నిధులు అందకపోవడం ఆందోళనకరమని రెహమాన్ అన్నారు. రాష్ట్ర విద్యా విధానం-2026లో కూడా యూనివర్సిటీ స్థాయిలో ఫ్యాకల్టీ ఖాళీలను ప్రత్యేకంగా నమోదు చేసిన నేపథ్యంలో, ఖాళీల భర్తీపై ప్రభుత్వం స్పష్టమైన కార్యాచరణ ప్రకటించాల్సిన అవసరం ఉందన్నారు. ప్రభుత్వ యూనివర్సిటీలకు ప్రత్యేక అభివృద్ధి నిధులు కేటాయించి, ఖాళీగా ఉన్న అన్ని టీచింగ్, నాన్టీచింగ్ పోస్టులను తక్షణమే భర్తీ చేయాలని ఆయన డిమాండ్ చేశారు. యూనివర్సిటీలను కేవలం భవనాలు, తరగతి గదులుగా కాకుండా పరిశోధన, నూతన ఆవిష్కరణలు, సామాజిక చైతన్యానికి కేంద్రాలుగా అభివృద్ధి చేయాలని కోరారు. అదేవిధంగా, యూనివర్సిటీల స్వయం ప్రతిపత్తి, విద్యార్థుల హక్కులు, నాణ్యమైన విద్య, పరిశోధన అవకాశాలు, హాస్టల్ సౌకర్యాలు, స్కాలర్షిప్లు, ఫీజు రీయింబర్స్మెంట్ వంటి అంశాలపై AISF తన ఉద్యమాలను మరింత విస్తృతం చేస్తుందని రెహమాన్ స్పష్టం చేశారు. AISF హనుమకొండ జిల్లా కార్యదర్శి భాషబోయిన సంతోష్ మాట్లాడుతూ, తెలంగాణలో ప్రభుత్వ విద్యా వ్యవస్థను బలోపేతం చేయాలంటే ఖాళీగా ఉన్న ఉపాధ్యాయ, విద్యాశాఖ పరిపాలనా పోస్టులను భర్తీ చేయడం అత్యవసరమన్నారు. MEO, DEO వంటి కీలక పోస్టుల్లో ఖాళీలు లేదా అదనపు బాధ్యతల వ్యవస్థ కొనసాగితే విద్యా పరిపాలనపై ప్రభావం పడుతుందని, తెలంగాణ విద్యా విధానం-2026 కూడా పూర్తి స్థాయి MEO, DEO పోస్టుల భర్తీ అవసరాన్ని ప్రస్తావిస్తోందని తెలిపారు. ఉపాధ్యాయ పోస్టుల ఖాళీలపై ప్రభుత్వం స్పష్టమైన అధికారిక గణాంకాలను ప్రజల ముందుంచి, అవసరమైన పోస్టులకు నియామక ప్రక్రియన
