పటమట, ఆంధ్రప్రభ: అనారోగ్యానికి గురైన సిద్ధార్థ వాకర్స్ క్లబ్ సభ్యుడు, ఫొటోగ్రాఫర్ పోలూరు హనుమంతరావుకు క్లబ్ సభ్యులు అండగా నిలిచారు. వైద్య ఖర్చుల కోసం సభ్యులు కలిసి సమీకరించిన రూ.2,07,157లను ఆదివారం ఎమ్మెల్యే గద్దె రామమోహన్ చేతుల మీదుగా హనుమంతరావు కుటుంబ సభ్యులకు అందజేశారు. ఈ సందర్భంగా ఎమ్మెల్యే గద్దె రామమోహన్ మాట్లాడుతూ హనుమంతరావు కుటుంబానికి ముఖ్యమంత్రి సహాయనిధి ద్వారా ఆర్థిక సాయం అందేలా కృషి చేస్తానని హామీ ఇచ్చారు. హనుమంతరావు త్వరగా కోలుకోవాలని ఆకాంక్షించారు. కార్యక్రమంలో సిద్ధార్థ వాకర్స్ క్లబ్ సభ్యులు, పలువురు ప్రముఖులు పాల్గొన్నారు
