ఇరాన్పై యుద్ధం అమెరికాకు రోజురోజుకూ మరింత ఖరీదవుతోంది. ఇప్పటివరకు అమెరికా సైనిక వ్యయం 43.6 బిలియన్ డాలర్లకు చేరినట్లు తాజా అంచనాలు చెబుతున్నాయి. ఈ లెక్క సెప్టెంబర్ 3 వరకు జరిగిన ఖర్చులను మాత్రమే పరిగణనలోకి తీసుకుంది. ఇందులో అత్యధిక భాగం బాంబులు, క్షిపణులు, ఇతర ఆయుధాలను తిరిగి సమకూర్చుకోవడానికే వెళ్తోంది. అంతేకాదు.. యుద్ధం కారణంగా దెబ్బతిన్న అమెరికా సైనిక స్థావరాలు, భవనాల మరమ్మతు ఖర్చు ఇందులో ఇంకా పూర్తిగా చేరలేదు. అంటే యుద్ధం కొనసాగుతున్న కొద్దీ ఈ బిల్లు మరింత పెరిగే అవకాశం ఉంది. అమెరికా సెంట్రల్ కమాండ్ కాంగ్రెస్కు అందించిన తాజా వివరాల ప్రకారం.. యుద్ధంలో వినియోగించిన ఆయుధాలను తిరిగి భర్తీ చేయడానికి సుమారు 28.1 బిలియన్ డాలర్లు అవసరమవుతున్నాయి. మొత్తం 43.6 బిలియన్ డాలర్లలో ఇది సగానికి మించిన మొత్తం. ముఖ్యంగా ఖరీదైన బాంబులు, క్షిపణులతో పాటు గగనతల రక్షణ కోసం ఉపయోగించే ఇంటర్సెప్టర్ల వినియోగం భారీగా పెరిగింది. ఆగస్టు 1 నాటికి ఆయుధాల వ్యయం సుమారు 21.7 బిలియన్ డాలర్లుగా ఉండగా.. సెప్టెంబర్ 3 నాటికి అది 28.1 బిలియన్ డాలర్లకు పెరిగింది. అంటే కేవలం ఒక నెల వ్యవధిలోనే ఆయుధాల భర్తీ కోసం మరో 6.4 బిలియన్ డాలర్లకు పైగా అవసరమైంది. యుద్ధంలో ఆయుధాల వినియోగం ఎంత తీవ్రంగా ఉందో ఈ ఒక్క లెక్కే చెబుతోంది. యుద్ధంలో ఆయుధాలే కాకుండా సైన్యాన్ని అక్కడ మోహరించడం కూడా అమెరికాకు భారీగా ఖర్చవుతోంది. అమెరికా వైమానిక దళానికి సంబంధించిన నిర్వహణ ఖర్చులు సుమారు 6.6 బిలియన్ డాలర్లుగా నమోదయ్యాయి. నౌకాదళం యుద్ధ నౌకలు, విమాన వాహక నౌకలను ఈ ప్రాంతంలో మోహరించేందుకు సుమారు 2.2 బిలియన్ డాలర్లు ఖర్చు చేసింది. అమెరికా ఆర్మీకి ప్రాంతీయ బలగాలను కొనసాగించేందుకు సుమారు 1.6 బిలియన్ డాలర్లు ఖర్చయ్యాయి. ఇవే కాకుండా దెబ్బతిన్న లేదా ధ్వంసమైన యుద్ధ విమానాలు, ఇతర సైనిక పరికరాలను భర్తీ చేసేందుకు మరో 4.3 బిలియన్ డాలర్లు అవసరమవుతున్నట్లు అంచనా. ప్రత్యేక దళాలను తరలించడం, నిర్వహించడం వంటి ఖర్చులు కూడా ఇందులో ఉన్నాయి. మరో 1.5 బిలియన్ డాలర్లు.. కానీ పూర్తి లెక్క ఇంకా కాదు 43.6 బిలియన్ డాలర్ల అంచనాకు అదనంగా యుద్ధం కారణంగా పెరిగిన ఇంధన అవసరాల కోసం సుమారు 1.5 బిలియన్ డాలర్లు ఖర్చయినట్లు కాంగ్రెస్కు వెల్లడించినట్లు అమెరికా మీడియా కథనాలు తెలిపాయి. దీంతో ఈ రెండు లెక్కలను కలిపితే సుమారు 45.1 బిలియన్ డాలర్ల స్థాయికి చేరుతుంది. అయితే ఇది కూడా యుద్ధానికి సంబంధించిన తుది ఖర్చు కాదు. ఇక్కడే అసలు పెద్ద ప్రశ్న ఉంది. ఇరాన్ దాడుల్లో మధ్యప్రాచ్యంలోని పలు దేశాల్లో ఉన్న అమెరికా స్థావరాలు, భవనాలు దెబ్బతిన్నాయి. కువైట్, బహ్రెయిన్, ఖతార్, యూఏఈ, సౌదీ అరేబియా, ఇరాక్, ఒమన్, జోర్డాన్ వంటి ప్రాంతాల్లో వందలాది భవనాలు, ఇతర నిర్మాణాలు దెబ్బతిన్నట్లు అమెరికా రక్షణ శాఖ ఇన్స్పెక్టర్ జనరల్ నివేదిక పేర్కొంది. వీటిని పూర్తిగా మరమ్మతు చేయడం లేదా తిరిగి నిర్మించడం కోసం అయ్యే ఖర్చు తాజా 43.6 బిలియన్ డాలర్ల లెక్కలో లేదు. కొన్ని సైనిక స్థావరాలను పునర్నిర్మించాలా, లేక వాటిని మూసివేయాలా అన్నదానిపై కూడా నిర్ణయాలు తీసుకోవాల్సి ఉంది. పునర్నిర్మాణం జరిగితే అదనపు బ
