పశ్చిమ బెంగాల్ రాజకీయాల్లో మమతా బెనర్జీకి వరుసగా ఎదురుదెబ్బలు తగులుతున్నాయి. రేజినగర్ అసెంబ్లీ ఉపఎన్నికలో మమతా బెనర్జీ వర్గం తరఫున పోటీ చేయాల్సి ఉన్న రబియుల్ ఆలం చౌదరి సెప్టెంబర్ 19న తన నామినేషన్ను ఉపసంహరించుకుంటున్నట్లు ప్రకటించారు నందిగ్రామ్ అసెంబ్లీ స్థానం నుంచి టీఎంసీ అభ్యర్థిగా బరిలో నిలవాల్సిన సంచితా ప్రధాన్ డే... నామినేషన్ వెనక్కి తీసుకున్న సరిగ్గా ఒక్క రోజులోనే ఈ పరిణామం చోటుచేసుకోవడం గమనార్హం. మమతతో చర్చల తర్వాతే తాను ఈ నిర్ణయం తీసుకున్నట్లు రబియుల్ ఆలం చౌదరి తెలిపారు. టీఎంసీ పేరు, పార్టీ గుర్తుపై జరుగుతున్న న్యాయపోరాటం, మమతా వర్గానికి చెందిన కార్యకర్తలపై జరుగుతున్న బెదిరింపులే ఇందుకు కారణమని ఆయన ఆరోపించారు. మనం కొత్త గుర్తుపై పోరాడాల్సి ఉంది. మా కార్యకర్తలను వేధిస్తున్నారు, బెదిరిస్తున్నారు, అరెస్టు చేస్తున్నారు. వారికి రక్షణ కల్పించలేకపోతున్నాం. ఈ పరిస్థితుల్లో మేము ఎలా పోటీ చేయగలం?" అని చౌదరి ప్రశ్నించారు. అందుకే ఈ నిర్ణయం తీసుకున్నానని, మమతా బెనర్జీతో మాట్లాడిన తర్వాతే ఆమె సూచన మేరకు ముందుకు వెళ్తున్నానని ఆయన స్పష్టం చేశారు. అరూప్ రాయ్ నేతృత్వంలోని తిరుగుబాటు వర్గం నుంచి మమతా బెనర్జీ ఎదుర్కొంటున్న సవాళ్ల నడుమ... ఈ పరిణామం ఆమెకు మరో పెద్ద ఎదురుదెబ్బగా నిలిచింది. అక్టోబర్ 6న జరగనున్న ఈ ఉపఎన్నికల కోసం... మమతా క్యాంపునకు 'మమతా ఆల్ ఇండియా తృణమూల్ కాంగ్రెస్ పేరును, ఫుట్బాల్ ప్లేయర్ గుర్తును ఎన్నికల సంఘం కేటాయించగా... ప్రత్యర్థి వర్గానికి 'డెమోక్రటిక్ తృణమూల్ కాంగ్రెస్ పేరుతో పాటు ఎన్వలప్' గుర్తును కేటాయించిన విషయం తెలిసిందే
