Shorts Krishna: పెనమలూరు నియోజకవర్గంలో అధిక లోడుతో ఇసుక రవాణా చేస్తున్న లారీపై ఎమ్మెల్యే బోడే ప్రసాద్ స్వయంగా స్పందించడం ఇప్పుడు చర్చనీయాంశంగా మారింది. అధిక లోడుతో వెళ్తున్న ఇసుక లారీని ఎమ్మెల్యే స్వయంగా అడ్డుకుని, పోలీసులను పిలిపించి నిబంధనల ప్రకారం చర్యలు తీసుకోవాలని అధికారులను ఆదేశించిన ఘటనపై స్థానికంగా చర్చ జరుగుతోంది. ప్రజలకు ఇబ్బంది కలిగించే అంశాన్ని గమనించిన వెంటనే ఎమ్మెల్యే స్థాయిలో స్పందించడం పట్ల పలువురు అభినందనలు వ్యక్తం చేస్తున్నారు. ప్రజా ప్రతినిధి రోడ్డుపైకి వచ్చి అక్రమ రవాణాను గుర్తిస్తే... సంబంధిత శాఖల అధికారులు ఏం చేస్తున్నారు? అన్న ప్రశ్న ఇప్పుడు స్థానికుల్లో వినిపిస్తోంది. మరోవైపు, పెనమలూరు–వణుకూరు గ్రామాల మీదుగా అధిక లోడుతో ఇసుక లారీలు తిరుగుతున్నాయన్న స్థానికుల ఆరోపణలు కూడా వినిపిస్తున్నాయి. ఉదయం ఎమ్మెల్యే స్వయంగా గుర్తించిన ఓవర్లోడ్ లారీ తరహాలోనే మరికొన్ని వాహనాలు తిరుగుతున్నాయా? ఉంటే వాటిపై అధికారులు ఎలాంటి తనిఖీలు నిర్వహించారు? అన్నది స్పష్టత రావాల్సి ఉంది. ఓవర్లోడింగ్ వల్ల రహదారులపై ప్రమాదాల ముప్పుతో పాటు రోడ్ల నష్టం, ప్రజలకు అసౌకర్యం కలిగే అవకాశం ఉంది. ఇలాంటి అంశాల్లో ప్రజా ప్రతినిధి జోక్యం కోసం అధికారులు ఎదురుచూడాల్సిన అవసరం లేదని స్థానికులు అంటున్నారు. నిబంధనలు ఉల్లంఘించే వాహనాలను గుర్తించడం, తనిఖీ చేయడం, చట్టప్రకారం చర్యలు తీసుకోవడం సంబంధిత అధికారుల బాధ్యత కాదా? అని ప్రశ్నిస్తున్నారు. ఎమ్మెల్యే బోడే ప్రసాద్ స్వయంగా లారీని అడ్డుకుని చర్యలకు ఆదేశించడం ఒకవైపు ప్రజాప్రతినిధిగా ఆయన అప్రమత్తతను చూపిస్తుంటే... అదే సమయంలో అధికారుల నిరంతర పర్యవేక్షణ ఎక్కడ? అన్న ప్రశ్నను కూడా ముందుకు తెస్తోంది. “బోడే ప్రసాద్ స్పాట్ యాక్షన్... అధికారుల రెగ్యులర్ యాక్షన్ ఎక్కడ?” ప్రజా సమస్య కనిపిస్తే వెంటనే స్పందించే ప్రజాప్రతినిధి ఉండటం మాత్రమే కాకుండా, సంబంధిత అధికారులు కూడా నిరంతరం తనిఖీలు నిర్వహించి నిబంధనలు ఉల్లంఘించే వాహనాలపై చర్యలు తీసుకోవాలని స్థానికులు కోరుతున్నారు. అక్రమ ఓవర్లోడింగ్కు అడ్డుకట్ట పడాలంటే ఎమ్మెల్యే ఒక్కసారి అడ్డుకోవడం సరిపోదు... అధికారులు ప్రతిరోజూ నిబంధనల ప్రకారం తనిఖీలు నిర్వహించాలి. “ఎమ్మెల్యే బోడే ప్రసాద్కు కనిపించిన ఓవర్లోడ్ లారీలు... అధికారుల కళ్లకు ఎందుకు కనిపించడం లేదు?” అధికారులు స్పందించి, పెనమలూరు–వణుకూరు మార్గంలో ఓవర్లోడ్ ఇసుక రవాణాపై వాస్తవ పరిస్థితిని వెల్లడించడంతో పాటు, నిబంధనలు ఉల్లంఘించిన వాహనాలపై తీసుకున్న చర్యలను ప్రజలకు తెలియజేయాలని స్థానికులు కోరుతున్నారు.!!
