వెలిగొండ: వెలిగొండ ప్రాజెక్టు ముంపు గ్రామాల ప్రజల సౌకర్యార్థం సెప్టెంబర్ 1 నుంచి ప్రత్యేక పంపిణీ కేంద్రాల ద్వారా రేషన్ బియ్యం, ఇతర నిత్యావసర సరుకులు పంపిణీ చేయనున్నట్లు మార్కాపురం జిల్లా కలెక్టర్ విజయ సునీత తెలిపారు. పెద్దారవీడు మండలంలోని కలనూతల, సుంకేసుల, గుండంచర్లతో పాటు మార్కాపురం మండలంలోని గొట్టిపడియా గ్రామాల రేషన్ కార్డుదారులకు ఈ సౌకర్యం కల్పించారు. కలనూతల, గుండంచర్ల గ్రామాలకు దేవరాజుగట్టు, గొట్టిపడియాకు ఇందిరమ్మ కాలనీ, సుంకేసులకు గోగులదిన్నె కమ్యూనిటీ హాల్లో ప్రత్యేక రేషన్ పంపిణీ కేంద్రాలు ఏర్పాటు చేశారు. అర్హులైన రేషన్ కార్డుదారులు తమకు కేటాయించిన కేంద్రాల్లో రేషన్ సరుకులు పొందాలని అధికారులు సూచించారు
