వైరా, వెలుగు: ఖమ్మం జిల్లా వైరా మండలం సోమారం గ్రామంలో టైటా జాతికి చెందిన అరుదైన గుడ్లగూబ ప్రత్యక్షమైంది. గ్రామానికి చెందిన ఆవుల ప్రవీణ్ ఇంటి వద్ద ఈ గుడ్లగూబ కనిపించడంతో స్థానికులు ఆసక్తిగా తిలకించారు. గుడ్లగూబ రెక్కకు గాయం కావడంతో ఎగరలేక ఇంటి పరిసరాల్లోనే ఉన్నట్లు గుర్తించి అటవీ శాఖ అధికారులకు సమాచారం అందించారు. ఫారెస్ట్ ఆఫీసర్లు అక్కడికి చేరుకుని గుడ్లగూబను పరిశీలించి, టైటా జాతికి చెందిన గుడ్లగూబగా గుర్తించారు. గుడ్లగూబకు చికిత్స చేయించి, సురక్షిత ప్రాంతంలో విడిచిపెడతామని చెప్పారు
