హిట్ సినిమాలు కూడా 30 రోజుల్లోపే ఓటీటీలోకి వస్తుండటంపై టాలీవుడ్లో చర్చ మొదలైంది. రూ.వందల కోట్ల వసూళ్లు సాధించిన సినిమాలకు సైతం నాలుగు వారాల్లోపే డిజిటల్ రిలీజ్ ఇస్తుండటంతో థియేటర్లకు ప్రేక్షకులు వచ్చే ఉత్సాహం తగ్గే అవకాశం ఉందనే వాదనలు వినిపిస్తున్నాయి. మరోవైపు ఓటీటీ ఆఫర్లు, పెరిగిన టికెట్ ధరలు కూడా ప్రేక్షకుల నిర్ణయంపై ప్రభావం చూపుతున్నాయని విశ్లేషణలు చెబుతున్నాయి. ఈ పరిస్థితిలో నిర్మాతలు థియేట్రికల్, ఓటీటీ విండోపై కీలక నిర్ణయం తీసుకోవాల్సిన అవసరం ఉందనే చర్చ సాగుతోంది
