ప్రజాభవన్ నుంచి ప్రత్యేక బస్సులో జన్వాడకు కాంగ్రెస్ ప్రజాప్రతినిధులు ఫామ్హౌస్ పరిసర భూముల రికార్డులు పరిశీలిస్తామన్న నేతలు భారీగా మోహరించిన పోలీసులు.. గేటు వద్దకు చేరుకున్న కాంగ్రెస్ బృందం కాంగ్రెస్ నేతలను అడ్డుకునేందుకు బీఆర్ఎస్ శ్రేణుల యత్నం.. ఉద్రిక్తత హైదరాబాద్, ఆంధ్రప్రభ : జన్వాడ ఫామ్హౌస్ వ్యవహారం మరోసారి తెలంగాణ రాజకీయాల్లో చర్చనీయాంశంగా మారింది. ఫామ్హౌస్ పరిసరాల్లోని భూముల వివరాలు, యాజమాన్య హక్కులు, భూముల రికార్డులను క్షేత్రస్థాయిలో పరిశీలించేందుకు కాంగ్రెస్ ప్రజాప్రతినిధుల బృందం శనివారం జన్వాడకు చేరుకుంది. దీంతో అక్కడ కొంతసేపు ఉద్రిక్త వాతావరణం నెలకొంది. ప్రజాభవన్ నుంచి ప్రత్యేక బస్సులో ఎంపీలు, ఎమ్మెల్యేలు, ఎమ్మెల్సీలు, ఇతర కాంగ్రెస్ నేతలు జన్వాడకు బయలుదేరారు. ఫామ్హౌస్ పరిసరాల్లోని భూముల వివరాలను పరిశీలించడంతో పాటు, వాటికి సంబంధించిన రెవెన్యూ రికార్డులు, భూముల కేటాయింపులు తదితర అంశాలను పరిశీలిస్తామని కాంగ్రెస్ నేతలు తెలిపారు. కాంగ్రెస్ ప్రజాప్రతినిధులు ఫామ్హౌస్ గేటు వద్దకు చేరుకోవడంతో పోలీసులు భారీగా బందోబస్తు ఏర్పాటు చేశారు. చేవెళ్ల డీసీపీ యోగేశ్ గౌతమ్ కూడా అక్కడికి చేరుకుని పరిస్థితిని పర్యవేక్షించారు. ప్రైవేట్ ఆస్తిలోకి అనుమతి లేకుండా ప్రవేశించరాదంటూ ఫామ్హౌస్ పరిసరాల్లో బోర్డులు ఏర్పాటు చేసినట్లు సమాచారం. మరోవైపు కాంగ్రెస్ నేతల పర్యటన నేపథ్యంలో బీఆర్ఎస్ కార్యకర్తలు అక్కడికి చేరుకుని వారిని అడ్డుకునేందుకు ప్రయత్నించినట్లు పలు మీడియా కథనాలు పేర్కొన్నాయి. పరిస్థితి మరింత ఉద్రిక్తంగా మారకుండా పోలీసులు భద్రతను కట్టుదిట్టం చేశారు. జన్వాడ ఫామ్హౌస్ పరిసరాల్లోని భూములపై పూర్తి వివరాలు వెలుగులోకి తీసుకురావాలన్నది తమ ఉద్దేశమని కాంగ్రెస్ నేతలు చెబుతున్నారు. ఎంపీ చామల కిరణ్కుమార్రెడ్డి సహా పలువురు నేతలు భూముల రికార్డులు, యాజమాన్య వివరాలను పరిశీలించాల్సిన అవసరం ఉందని పేర్కొన్నారు. భూములకు సంబంధించిన నిజానిజాలు అధికారిక రికార్డులు, రెవెన్యూ పరిశీలనతో స్పష్టమవుతాయని వారు చెబుతున్నారు. ఇదిలా ఉండగా, జన్వాడ ఫామ్హౌస్ యాజమాన్యంపై కొనసాగుతున్న రాజకీయ చర్చకు ఆస్తి యజమాని ప్రదీప్రెడ్డి స్పందించారు. ఫామ్హౌస్, భూమి తనకే చెందినవని, కేటీఆర్కు యాజమాన్య హక్కు లేదని ఆయన స్పష్టం చేశారు. తనకు కేటీఆర్ చిన్ననాటి స్నేహితుడని, తన ఆస్తిని కేటీఆర్కు లీజుకు ఇచ్చినట్లు తెలిపారు. ఆస్తికి సంబంధించిన చట్టబద్ధ పత్రాలు తన వద్ద ఉన్నాయని కూడా పేర్కొన్నారు. అయితే కాంగ్రెస్ నేతలు మాత్రం ఈ ఆస్తి, పరిసర భూములపై పలు ప్రశ్నలు లేవనెత్తుతున్నారు. ఫామ్హౌస్ యాజమాన్యం, లీజ్ వివరాలు, చుట్టుపక్కల భూముల రికార్డులపై అధికారికంగా పూర్తి స్థాయి పరిశీలన జరగాలని కోరుతున్నారు. ఈ నేపథ్యంలో ఆరోపణలు, ప్రత్యారోపణలకు మించి రెవెన్యూ రికార్డులు, రిజిస్ట్రేషన్ పత్రాలు, సంబంధిత అధికారుల నివేదికలే కీలకం కానున్నాయి. ఇటీవల మాజీ ముఖ్యమంత్రి కేసీఆర్ ఎర్రవల్లి ఫామ్హౌస్, మాజీ మంత్రి హరీశ్రావుకు సంబంధించిన భూముల అంశాలపై కాంగ్రెస్ నేతలు పరిశీలనలు చేపట్టారు. అదే క్రమంలో జన్వాడ
