Haryana: ప్రముఖ రెజ్లర్ గ్రేట్ ఖలీ కారుకు ప్రమాదం.. దెబ్బతిన్న వాహనం ప్రముఖ రెజ్లర్ గ్రేట్ ఖలీ కారుకు ప్రమాదం గాయాలు లేకుండా బయటప్డ రెజ్లర్ దెబ్బతిన్న వాహనం Follow Us : --> Add as a preferred source on google ప్రముఖ రెజ్లర్ గ్రేట్ ఖలీ వాహనం ప్రమాదానికి గురైంది. పంజాబ్ నుంచి సోనిపత్కు ప్రయాణిస్తుండగా కారు ప్రమాదం జరిగింది. పానిపట్ టోల్ ప్లాజా సమీపంలో ఈ ఘటన చోటుచేసుకుంది. ఈ ప్రమాదంలో ఖలీ తృటిలో తప్పించుకున్నాడు. ఎలాంటి గాయాలు కాలేదని తెలుస్తోంది. నివేదికల ప్రకారం.. గ్రేట్ ఖలీ తన కారులో పంజాబ్ నుంచి సోనిపట్కు ప్రయాణిస్తున్నాడు. మార్గమధ్యంలో పానిపట్ టోల్ ప్లాజా సమీపంలో అతని వాహనం ప్రమాదానికి గురైంది. ఈ ప్రమాదానికి సంబంధించిన పూర్తి వివరాలు ఇంకా తెలియరాలేదు. ప్రమాదం జరిగిన తర్వాత సంఘటనా స్థలం దగ్గర ప్రజలు గుమిగూడారు. ఈ ప్రమాదంలో ఖలీ కారు దెబ్బతింది. అయితే ఖలీకి తీవ్ర గాయాలు కాకుండా ప్రమాదం నుంచి సురక్షితంగా బయటపడటం ఊరట కలిగించింది. ప్రమాదం జరిగిన తర్వాత గ్రేట్ ఖలీ తన దెబ్బతిన్న వాహనాన్ని వదిలిపెట్టి సోనిపత్కు వేరు వాహనంలో వెళ్లాడు. ప్రమాద వార్త సోషల్ మీడియాలో వేగంగా వ్యాపించింది. అయితే ఖలీ క్షేమంగా ఉన్నాడన్న వార్త అతని అభిమానులకు ఊరటనిచ్చింది. ఈ ప్రమాదం మరో వాహనాన్ని ఢీకొనడం వల్ల జరిగిందా లేక మరేదైనా రోడ్డు సంబంధిత కారణం వల్ల జరిగిందా అనేది కూడా స్పష్టంగా తెలియరాలేదు. ఈ ఘటనలో ఇతరులకు గాయాలైనట్లు ఎటువంటి సమాచారం లేదు
