ఆకర్షణీయమైన డిజైన్లు, వినూత్న సాంకేతికతతో మొబైల్ మార్కెట్లో సంచలనాలు సృష్టిస్తున్న వివో సంస్థ టీ5 5జీ పేరుతో సరికొత్త హ్యాండ్సెట్ను ఆవిష్కరించనుంది. సన్నని డిజైన్, అసాధారణ ప్రదర్శనతో వస్తున్న ఈ పరికరం టెక్ ప్రియుల్లో భారీ అంచనాలను రేకెత్తిస్తోంది. ఆధునిక హంగులను కోరుకునే కొనుగోలుదారులను ఆకట్టుకునేలా రూపొందిన ఈ నూతన సృష్టి పూర్తి వివరాలను తెలుసుకుందాం.. ప్రముఖ స్మార్ట్ఫోన్ బ్రాండ్ వివో భారత మార్కెట్లో మరో కొత్త 5జీ స్మార్ట్ఫోన్ను విడుదల చేసేందుకు సిద్ధమైంది. కంపెనీ వివో టీ5 5జీ లాంచ్ తేదీని అధికారికంగా ప్రకటించగా ఇప్పటికే వివిధ మోడళ్లతో ఉన్న టీ5 సిరీస్లోకి ఈ కొత్త ఫోన్ చేరనుంది. విడుదలకు ముందే వివో టీ5 5జీకు సంబంధించిన కీలక ఫీచర్లను కంపెనీ వెల్లడించింది. ఇందులో 1.5కే రిజల్యూషన్తో 144హెర్ట్జ్ 3డీ కర్వ్డ్ అమోలెడ్ డిస్ప్లే, మీడియాటెక్ డైమెన్సిటీ 7500 టర్బో ప్రాసెసర్, 7,050mAh భారీ బ్యాటరీ వంటి ఫీచర్లు ఉండనున్నాయి. వివో టీ5 5జీను సెప్టెంబర్ 2న మధ్యాహ్నం 12 గంటలకు భారతదేశంలో విడుదల చేయనున్నట్లు కంపెనీ ప్రకటించింది. ఈ ఫోన్ రెండు కలర్ ఆప్షన్లలో అందుబాటులోకి రానుండగా రాయల్ బ్రాంజ్, సిల్వర్ గ్రీన్ రంగుల్లో లభిస్తుంది. విడుదలకు ముందే వివో టీ5 5జీ కోసం ఫ్లిప్కార్ట్లో ప్రత్యేక మైక్రోసైట్ అందుబాటులోకి వచ్చింది. దీంతో లాంచ్ అనంతరం ఈ ఫోన్ వివో ఇండియా ఆన్లైన్ స్టోర్తో పాటు ఫ్లిప్కార్ట్లో కూడా విక్రయానికి వచ్చే అవకాశం ఉంది. వివో టీ5 5జీలో కంపెనీ 1.5కే రిజల్యూషన్తో 144హెర్ట్జ్ 3డీ కర్వ్డ్ అమోలెడ్ డిస్ప్లేను అందిస్తోంది. స్క్రీన్ మధ్యలో పైభాగంలో సెల్ఫీ కెమెరా కోసం హోల్-పంచ్ కటౌట్ ఉంటుంది. 144హెర్ట్జ్ రిఫ్రెష్ రేట్ కారణంగా స్క్రోలింగ్, యానిమేషన్లు, గేమింగ్ వంటి పనుల్లో డిస్ప్లే మరింత స్మూత్గా ఉండే అవకాశం ఉంది. డిజిటల్ రంగంలో తమ స్థానాన్ని మరింత పటిష్టం చేసుకోవడానికి ఈ సంస్థ నిరంతరం ఆకర్షణీయమైన ఫీచర్లను పరిచయం చేస్తోంది. డిజైన్ పరంగా వివో టీ5 5జీకు స్కైలైన్ డిజైన్ను అందిస్తున్నారు. ఈ డిజైన్ ఇటీవల వివో ఎస్2లో కూడా కనిపించగా ఫోన్ వెనుక భాగంలో పైవైపు అడ్డంగా ఉండే కెమెరా బార్ కనిపిస్తుంది. ఇందులో రెండు కెమెరా లెన్స్లతో పాటు ఎల్ఈడీ లైట్ రింగ్ ఉన్నట్లు టీజర్ చిత్రాలు సూచిస్తున్నాయి. ఫోన్ మందం కేవలం 7.9mmగా ఉంటుంది. పెద్ద బ్యాటరీ ఉన్నప్పటికీ స్లిమ్ డిజైన్ను అందించడంపై వివో ప్రత్యేక దృష్టి పెట్టినట్లు తెలుస్తోంది. పనితీరు కోసం వివో టీ5 5జీలో మీడియాటెక్ డైమెన్సిటీ 7500 టర్బో చిప్సెట్ను ఉపయోగిస్తున్నట్లు కంపెనీ ధృవీకరించింది. అయితే ర్యామ్, స్టోరేజ్ వేరియంట్లకు సంబంధించిన పూర్తి వివరాలను వివో ఇంకా వెల్లడించలేదు. లాంచ్ సమయంలో ఈ వివరాలు అధికారికంగా ప్రకటించే అవకాశం ఉంది. వివో టీ5 5జీలో ఉండబోయే అతిపెద్ద ఆకర్షణల్లో 7,050mAh బ్యాటరీ ఒకటి కాగా ఇంత పెద్ద బ్యాటరీతో సాధారణ వినియోగంలో ఎక్కువ బ్యాటరీ బ్యాకప్ను అందించే అవకాశం ఉంది. స్లిమ్ 7.9mm డిజైన్తో ఇంత భారీ బ్యాటరీని అందించడం ఈ ఫోన్లో ప్రత్యేకమైన అంశంగా చెప్పవచ్చు. సాఫ్ట్వేర్ విషయానికి వస్తే వివో టీ5 5జీ ఆరిజిన్ఓఎస్
