ఔట్డోర్ అడ్వర్టైజింగ్లో చట్టబద్ధ అవకాశం కోసం మూడేళ్లుగా ప్రయత్నిస్తున్నానన్న శోభారెడ్డి సీఎం దృష్టికి సమస్య తీసుకెళ్లే ప్రయత్నంలో గెస్ట్హౌస్కు రావాలన్నారని మహిళా వ్యాపారవేత్త శోభారెడ్డి ఆరోపణ రెవెన్యూ షేరింగ్ విధానంపై ప్రతిపాదనలు ఇచ్చినట్లు వెల్లడి సీఎంకు సన్నిహితుడిగా భావించిన వ్యక్తిపై ఆరోపణలు.. తనకు ఎదురైన అనుభవాన్ని సోషల్ మీడియాలో వెల్లడించిన మహిళా వ్యాపారవేత్త హైదరాబాద్, ఆంధ్రప్రభ : ఔట్డోర్ అడ్వర్టైజింగ్ రంగంలో చట్టబద్ధమైన, సమాన వ్యాపార అవకాశం కోసం మూడేళ్లుగా ప్రయత్నిస్తున్నానని మిథునా యాడ్స్ ప్రొప్రైటర్ కె. శోభారెడ్డి తెలిపారు. ఈ క్రమంలో తన సమస్యను ప్రభుత్వ పెద్దల దృష్టికి తీసుకెళ్లేందుకు ప్రయత్నించిన సమయంలో సీఎం రేవంత్రెడ్డికి సన్నిహితుడిగా భావించిన ఓ వ్యక్తి నుంచి అనుచిత ప్రతిపాదన ఎదురైందని ఆమె ఆరోపించారు. ఈ మేరకు తనకు ఎదురైన అనుభవాన్ని సోషల్ మీడియా వేదికగా వెల్లడించారు. అయితే.. ఆమె ఆరోపణల్లో పేర్కొన్న వ్యక్తి పేరు, ఆరోపణలకు సంబంధించి స్వతంత్రంగా నిర్ధారించిన ఆధారాలు ప్రస్తుతం అందుబాటులో లేవు. సంబంధిత వ్యక్తి లేదా ప్రభుత్వం నుంచి దీనిపై అధికారిక స్పందన కూడా వెలువడాల్సి ఉంది. ఔట్డోర్ అడ్వర్టైజింగ్ రంగంలో తమ సంస్థకు నిబంధనల ప్రకారం అవకాశం కల్పించాలని గత మూడేళ్లుగా ప్రభుత్వానికి విజ్ఞప్తులు చేస్తున్నట్లు శోభారెడ్డి తెలిపారు. రెగ్యులర్ టెండర్ల ప్రక్రియ పూర్తయ్యే వరకు తాత్కాలికంగా రెవెన్యూ షేరింగ్ విధానంలో అవకాశం కల్పించాలని ప్రతిపాదించినట్లు చెప్పారు. తమకు ప్రత్యేక మినహాయింపులు లేదా వ్యక్తిగత ప్రయోజనాలు అవసరం లేదని.. నిబంధనల పరిధిలో సమానమైన వ్యాపార అవకాశం మాత్రమే కోరుతున్నానని ఆమె పేర్కొన్నారు. తన సమస్యను సీఎం దృష్టికి తీసుకెళ్లేందుకు సీఎం రేవంత్రెడ్డికి సన్నిహితుడిగా భావించిన ఓ వ్యక్తిని సంప్రదించినట్లు శోభారెడ్డి తెలిపారు. తనకు సీఎం అపాయింట్మెంట్ ఇప్పించే విషయమై మాట్లాడిన సందర్భంలో సదరు వ్యక్తి గెస్ట్హౌస్కు రావాలని సూచించినట్లు ఆమె ఆరోపించారు. అంతేకాకుండా.. తన సోషల్ మీడియా పోస్టులో ఆ వ్యక్తి నుంచి తనకు వచ్చినట్లు చెబుతున్న మరికొన్ని వ్యాఖ్యలను కూడా శోభారెడ్డి ప్రస్తావించారు. తన వాదన ప్రకారం, వ్యాపార సమస్య పరిష్కారం కోసం సంప్రదించిన సందర్భంలోనే ఈ పరిణామం చోటుచేసుకుంది. అయితే ఈ ఆరోపణలను ధ్రువీకరించే స్వతంత్ర ఆధారాలు, సందేశాలు లేదా ఇతర పత్రాలు బహిరంగంగా అందుబాటులో ఉన్నట్లు నిర్ధారించలేకపోయాం. తనకు ఎదురైన అనుభవంపై తీవ్ర అసంతృప్తి వ్యక్తం చేసిన శోభారెడ్డి.. వ్యాపార అవకాశం కోసం ఎలాంటి అనుచిత మార్గాన్నీ ఆశ్రయించబోనని స్పష్టం చేసినట్లు తన పోస్టులో పేర్కొన్నారు. “పని కోసం ఇలాంటి తప్పుడు పనులు చేయను” అనే భావాన్ని వ్యక్తం చేస్తూ తనకు ఎదురైన అనుభవాన్ని ఆమె వివరించారు. తనకు కావాల్సింది కేవలం చట్టబద్ధమైన అవకాశం, సమానత్వం, గౌరవం మాత్రమేనని స్పష్టం చేశారు. ఔట్డోర్ అడ్వర్టైజింగ్ రంగంలో కొన్ని అడ్వర్టైజ్మెంట్ నిర్మాణాలు నోటీసులు, పెండింగ్ కంప్లయన్స్ అంశాలు ఉన్నప్పటికీ కొనసాగుతున్నాయని శోభారెడ్డి ఆరోపించారు. కొన్ని సందర్భాల్లో పైలట్
